Төрөх дөхөж байгаагаа яаж мэдэх вэ?

1. Амьсгалахад амар болно. Хүүхэд доошилж байгаа нь энэ юм. Суух болон явахад юм тулаад байгаа юм шиг санагдана. Энэ үед эхэд унтахад хүндрэлтэй.

2. Идэх дур хүсэл өөрчлөгдөнө. Ихэвчлэн хоолондоо муу болдог. Энэ үедээ хуучин шигээ их идэх гэсний хэрэггүй.

3. Биеийн жин багасна. 1-2 кг-аар жин буурч болно. Энэ нь бие махбодь төрөлтөнд бэлтгэж байгаа үйл явц юм. Жин хассанаар бие уян, зөөлөн болдог.

4. «Гэдэс доошлох» Хүүхэд доошилж байгаа нь энэ юм. Энэ үзэгдэл нь анх төрж байгаа эхчүүдийн хувьд төрөхөөс 2-4 –н долоо хоногийн өмнөөс эхлэн ажиглагдаж эхэлдэг. Харин давтан төрөгсдийн хувьд төрөхийн өмнөхөн ажиглагдана.

5. Сэтгэл санаа тогтворгүй болох .

Эх болох гэж байгаа хүн хурдхан төрөх юмсан ямар хүүхэд гарах бол гэж их догдлон хүлээнэ. Үүнтэй холбоотойгоор сэтгэл санаа тогтворгүй болдог байна.Шувуу үүрээ бэлддэгтэй адил ээж болох гэж байгаа эмэгтэй оёж, угааж, цэвэрлэх гэх мэтээр зүгээр сууж чадахаа болно.Хамаагүй хэтрүүлж , ядарч болохгүй шүү.

6. Ойр ойрхон шээх.

Хүүхэд доошилсон учир давсган дээр даралт өгсний улмаас ойр ойрхон шээдэг.Гэдэс заримдаа шалгалт өгөх гэж байгаа мэт базалж өвдөнө.Энэ нь дотроосоо эхлэн бага багаар цэвэрлэгээ хийгдэж эхэлж байна гэсэн үг юм.байгаа гэсэн үг юм

7. Нуруу өвдөх

8. Хүүхдийн хөдөлгөөнд өөрчлөлт орох Ураг урьдынх шигээ их хөдлөхөө болих, эсвэл их идэвхтэй хөдлөх. Үүнийг төрөх байрлалаа сонгочихсон, эсвэл сонгож байна гэж ойлгоорой.

9.Төрөлт эхлэх гэж байгаа мэт өвдөлт мэдрэгдэх. Энэ үзэгдэл 30-н долоо хоног хойш байнга мэдрэгдэж байж болно. Өвдөлт нь ямар нэгэн хэмнэлтэй байдаггүй. Үүнийг төрөлттэй андуурах хэрэггүй.

10. Төрөх гэж байгааг дараах шинж тэмдгүүдээр мэднэ.

-Өвдөлт хэмнэлтэй болно. Эхлээд 15-20 минутын зайтай байснаа өвдөлтийн хугацаа бүр ойртож 3-4 минутын зайтайгаар өвдөж эхэлнэ.

-Умайнаас өнгөтэй зүйл салиа гарч эхэлнэ. Салиа төрөхөөс 3-4 хонгийн өмнө ч гарч эхэлж болно, мөн 2 долоо хонргийн өмнөөс ч гарч болно. Энэ нь савны амсар бага багаар нээгдэж байгаа гэсэн үг юм.

- Ус гарах . Ус бага багаар гарч болно. Гэнэт ихээрээ цүлхийтэл гарч ч болно. Энэ нь давтан төрөгчид дээр голцуу анзаарагддаг. Ус хагарахад өвдөхгүй. Төрөлт янз бүр байж болно. Зарим нь өвдөх хэмнэл нь ойртсоор савны ам нь бага багаар нээгдэж , төрдөг бол харин зарим нь урт богино хэмнэлийг хослуулан өвдсөөр төрчихнө.