Та хамгийн үнэтэй, чанартай косметик худалдан авч болно. Гэвч тохиромжгүй хоол хүнс хэрэглээд байвал таны арьс эрүүл сайхан төрхөө амархан алдах болно. Иймд арьсныхаа гоо сайхныг хадгалахад тустай хоол хүнсийг хэрхэн сонгох талаар бяцхан зөвлөгөө хүргэе.

1. Аль болох их ус уу
Яагаад гэвэл ус нь бие организмыг хорт бодис бохирдлоос цэвэрлээд зогсохгүй бодисын солилцоог сайжруулж, чийг тэжээл өгч, бүх эд эрхтний хэвийн ажиллагааг хангаж өгдөг юм. Үүний үр дүнд таны нүүрний арьс эрүүл, чийгшил сайтай болдог. Хамгийн гол нь  хийжүүлээгүй, жирийн ус л ийм үйлчлэл үзүүлэх бөгөөд хийжүүлсэн ундааг   аль болох хэрэглэхгүй байхыг зөвлөж байна.

2. Жимс жимсгэнэ ид
Хүний арьс яагаад өнгөө алдаж, үрчлээтэн хөгширдөг юм бол. Яагаад гэвэл бие организмд чөлөөт радикал олширсноос л гол нь арьс өнгөө алдаж, ядардаг. Чөлөөт радикал нь орчны нөлөө, бохирдол, стрессээс болж идэвхиждэг. Иймд жимс жимсгэнийг хоол хүнсэндээ тогтмол хэрэглэснээр түүнд агуулагдаж буй антиоксидантууд чөлөөт радикалуудтай бие организмыг тэмцэхэд тусалдаг байна.

3. Тослог хоол идэх хэрэгтэй
Тослог багатай хоол идэх нь арьсанд тийм ч сайн биш. Тослоггүй хоолны дэглэм байнга баривал арьсанд нэн хэрэгцээтэй өөх тос дутагдан, цочирч, хуурайшдаг. Иймд бие организмд хор болохгүй, эрүүл ханаагүй тосыг хүнсэндээ хэрэглэх тал дээр анхаарах хэрэгтэй. Тодруулбал, оливын тос, загас, миндалийн тос бие организмд төдийгүй арьсанд хамгийн сайн нөлөөтэй.

4. Кофеины  хэрэглээгээ багасга
Кофеин нь шээс ялгаруулдаг бодис. Өөрөөр хэлбэл, кофеинагуулсан шингэн хэрэглэсний дараа бие
организмаас шингэн амархан гадагшилдаг. Кофеин нь зөвхөн кофенд төдийгүй хар болон ногоон цайнд агуулагдана. Өдөрт нэгээс хоёр аяга цай уухад биед шингэх кофеины агууламж нь хангалттай байдаг юм. Үүнээс хэтэрвэл арьсанд хортой үйлчлэл үзүүлдэг.

5. Бета-каротины хэрэглээгээ нэмэгдүүл
Энэ аминдэм нь шар улаан өнгийн жимс, ногоонд баялаг агуулагддаг юм. Гол нь бета-каротин хэмээх энэ аминдэм нь арьсыг нарны хэт ягаан туяаны хортой үйлчлэлээс хамгаалдаг. Иймд жүрж, нимбэг, грейпфрут, шар чинжүү зэргийг өдөр бүр хоол хүнсэндээ хэрэглэж заншаарай.  

6. Селени агуулсан хүнс их хэрэглэ
Эрдэс бодис нь арьсны уян хатан чанарыг нэмэгдүүлж, нарны хортой туяаны үйлчлэлээс хамгаалж өгдөг. Харин селен нь үр тариа, өндөг, сармист илүүтэй агуулагддаг юм.

7. E аминдэм
Е аминдэм нь арьсны бүтцийг сайжруулж, үрчлээг багасгахад тустай байдаг. Е аминдэмийн хувьд таны нэг өдрийн норм бол 400 мгр байхад хангалттай.  

8. Архинаас татгалз
Архи нь бие организмд хамгийн таагүй үр дагаврыг авчирдаг юм. Архи байнга хэрэглэснээр царай харлаж бараантан, өнгөө алдахаас гадна, хавагнаж, цэлхийдэг. Учир нь алкоголь арьсны судсыг тэлж, нүүрэнд их хэмжээний  цус хуримтлуулдаг байна. Иймд арьсны эд эсийг гэмтээгч архийг хэрэглэхгүй байх нь дээр.

9. Ямар ч илүүдэл калори хэрэггүй.
Урт хугацаанд илүүдэл жин хуримтлуулснаар биеийн жин нэмэгдэж, таргалан арьс сунадаг. Иймд аль болох таргалахгүй байхыг хичээ. Үүний  тулд гурилан чихэрлэг бүтээгдэхүүн, малын гаралтай өөх тостой хоолыг хязгаартай идэх хэрэгтэй.   

10. C аминдэм.
 Нүүр арчилгааны төрөл бүрийн бүтээгдэхүүнээс өөрт тохирсныг нь сонгон хэрэглэж бай. Гэхдээ зөвхөн гадна талын арчилгаа хийгээд зогсохгүй дотроос нь бас арчилж тордвол нарны хортой туяа болон чөлөөт радикалаас арьсыг хамгаалж чадна. Энэ зорилгоор С аминдэмийг түлхүү хэрэглээрэй. Цитрусын төрлийн жимс, улаан лооль, шанцайнд энэ аминдэм илүү баялаг агуулагддаг юм  шүү.