Ямар ч бараа бүтээгдэхүүний үнэ чанарын илэрхийлэл болдог. Гэхдээ чанартай зүйл хямд, өндөр үнэтэй хэрнээ чанаргүй бүтээгдэхүүн байх нь ч бий. Тиймээс чанарын тэмдгийг мэддэг байх хэрэгтэй.

   Шилэн оймс сунаж хэлбэрээ алддагүй, биед харшил өгч загатнуулдаггүй, хялбар урагддаггүй байх ёстой. Ийм оймсон дээр "Den" гэсэн тэмдэг байдаг. Энэ тэмдэг уг оймсны нягтралыг буюу жинг илэрхийлдэг байна.

   Оймсны уутан дээр байгаа ийм тэмдэг нь уг оймсыг нэхэхэд хичнээн грамм утас орсныг илтгэдэг юм.

• 6-15 Den тэмдэгтэй оймсыг зуны халуун өдөр, үдэшлэгт өмсөхөд тохиромжтой. Хамгийн нимгэн нь.
  
• 20-40 Den даавуу болон хөвөн даавуу, ноосон утсаар нэхсэн тул сэрүүвтэр үед өмсөхөд зориулагдсан.
• 50-180 Den сэрүүн нөхцөлд зохицно.

  Гэхдээ шилэн оймс хичнээн нимгэн ч ул, дээд хэсгийг нь илүү зузаан, нягт нэхдэг.

  Үүнээс гадна чанартай шилэн оймс үйлдвэрлэгчид агаарын солилцоо чөлөөтэй явуулж байхаар хийдэг. Үйлдвэрлэхдээ бактерийн эсрэг тусгай боловсруулалт хийдэг учраас таатай үнэр шингээдэг. Тиймээс оймс худалдан авахдаа үнэрлэж авсан ч болно. Чанартай оймсноос эвгүй үнэр ялгарахгүй.

  Шилэн оймсны оёдол нь хавтгай, товгор гэсэн хоёр төрөлтэй. Хавтгай оёдолтой нь биеэн дээр ором үлдээдэггүй тул чанартайд тооцогдоно.