Залуу нас хүний амьдралын хамгийн оргил үе байдаг. Тиймдээ ч үргэлж залуу хэвээр байхыг хүсэхгүй хэн байх вэ. Насны онцлогтоо санаа нь зовж буй бүсгүйчүүддээ бяцхан нууц задалъя.
Хэрэв та дөчин настай бол: Энэ үед арьс үхжиж эхэлдэг. Таны нүүрэнд гүн үрчлээ сууж толбо ихэснэ. Хэрэв тийм бол нүүрний булчингийн хөдөлгөөнийг засах дасгал хийхийг зөвлөж байна.
Өглөө сэрээд нүдээ таваас зургаан секунд тас анина. Хоёр нүднийхээ голд дарж нүдээ бүтэн нээнэ.Энэ дасгалыг 8-10 удаа давтаж хийгээрэй. Хэдэн өдрийн дараа зовхи тань сайхан болсон байхыг та мэдрэх болно.
Та гучин настай бол: Нүүрээ савангаар бүү угаа учир нь энэ насны бүсгүйчүүдийн арьс маш их хуурайшдаг. Тиймээс арьсаа тогтмол сүүн шингэнээр цэвэрлэж тэжээл сайн өгч байгаарай. Хэрвээ арьс тань тослог бол долоо хоногт нэг удаа шавар маск, харин хуурай арьстай бол чийгшүүлэгч маск тавих хэрэгтэй.
Үсэндээ анхаар: Тасалгааны цэцэг услах тусам ургадаг. Таны үс мөн түүн шиг үргэлжийн тэжээл нэхэж байдаг эмзэг зүйл. Үсээ ургуулах гэж байгаа бол үснийхээ булцуунд тэжээл өгөх хэрэгтэй. Үүний тулд орой унтахынхаа өмнө үсээ модон самаар удаан самнавал булцуунаас ялгарах тос үзүүр хүртэл тарж үсний өнгө сэргэнэ.

Үсээ яаж засуулах вэ? Энэ бол бүсгүй хүн болгоны өөрөөсөө асуудаг асуултын нэг. Гоо сайханчдын зүгээс үзэхэд богино тайралт хамгийн тохиромжтой үс засалт.
Ийм үс нь хуйхны хэвийн ажиллагааг хангаж, үсээ ямар ч асуудалгүй, системтэйгээр янзлахад хялбар болгодог. Богино тайралт үргэлж моодонд орсоор ирсэн. Мөн их арчилгаа шаардагддаггүй, эмэгтэй хүнийг наснаас нь илүү залуу харагдуулдаг гээд олон давуу талтай.
Гэхдээ үс нь нүүр царайхай зохицож, давуу талыг ил гаргаж, дутагдалтай талыг нууж байх ёстой.
Хэрвээ та урт, гонзгой царайтай бол хацрын дунд хэсэг хүртэл их хэмжээний үс оруулсан богино засалт илүү өргөн харагдуулна. Чихний дэлбээ хүрсэн буюу түүнээс доор урттай буржгар үс, хөмсөг хүрсэн богино чёлк, мөн духыг дарсан чёлк нүүр царайг богиносгож харагдуулдаг.
Хэрвээ та дугуй царайтай бол богино тайралт эсвэл хүзүү дарсан, доод эрүүнд шүргэсэн шулуун үс арай гонзгой харагдуулна. Мөрөө хүрсэн тэгш үс болон үзүүр хэсгээрээ буржийлгасан, хацар хэсгийг хаасан урт үс нүүр царайг уртасгана.
Доод хэсгээрээ өргөн нүүртэй хүмүүс, өөрөөр хэлбэл дөрвөлжин эрүүтэнгүүдэд (Эрүүгээ хүрсэн богино тайралт тохиромжтой. Эрүүний буланг хаасан шулуун үс, эсвэл мөр хүрсэн урт шулуун болон хүзүүний хэсгийг хаасан үс эрүүг нарийсгаж харагдуулна.
Хэрвээ та урт хамартай бол өтгөн, хөмсөг хүрсэн, эсвэл үүнээс бага зэрэг доогуур чёлкийг богино тайралт, урт үстэй зохицуулж, нууж болно.
Богино эрүүнд хөмсгөө хүрсэн чёлктой, шанааны доод хэсэг, чихний дэлбээний урд хэсгээр дугуйвтар, богино тайралт тохиромжтой. Мөн чёлктой урт үстэй байж болно. Гэхдээ үсээ чихнийхээ араар оруулж байх хэрэгтэй. Энэ үс засалт нүүр царайг уртасгаж, доод эрүүг урт харагдуулна.
Хэрвээ таны нүд байх ёстой газраасаа арай дээр байрласан мэт санагддаг бол энэхүү жижигхэн дутагдлаа доор байрлалтай нүд рүүгээ чёлкоо оруулснаар засах хэрэгтэй. Үс тань урт, эсвэл богино байж болно. Хамгийн гол нь хажуу тал руугаа хуваах хэрэгтэй.
Жижигхэн духыг хөмсөгнөөс доош урттай чёлк өтгөн оруулснаар засч болно. Үс урт, богино ямар ч байж болно.
Том духтай хүмүүст богино чёлк зохимжтой. Үс урт, богино ямар ч байж болно.
Хэрвээ та бөмбөгөр, налуу духтай бол өтгөн чёлкоор дарж болно. Үсээ чихнийхээ ар руу оруулж, тэгш самнана.
Хүзүүний өө сэвийг урт шулуун, эсвэл буржгар үсээр далдална. Богино хүзүүтэй хүмүүс үсээ богиноор засуулбал тохиромжтой.
Чихнийхээ өөг сэвийг чих рүүгээ оруулсан шулуун, эсвэл буржгар үсээр далдална. Идэр насны эмэгтэйчүүдэд урт үс зохимжгүй. Үүнийг боосон ч, ороосон ч та хөгшин харагдах болно шүү.
Гөлчийтөл нь самнаж, боосон үс зөв төрхтэй, залуухан бүсгүйчүүдэд л тохирно. Гэхдээ зарим үед өө сэвээ далдлах шаардлагагүй байдаг. Үүгээрээ та өөрийгөө тодорхойлж, дэгжин харагдаж болно шүү дээ.

Бүсгүйчүүд өөрт тохиолдох баяртай болоод гунигтай үйл явдлуудаа урьдчилан таамаглаж мэдэхийн аргагүй байдаг. Тэгвэл хялбархан мэдэж болох нэгэн арга байдаг аж. Бүсгүй та сарын тэмдэг ирсэн өдрийнхөө шинжээр аливааг таамаглан мэдэж болох юм. Иймд бүсгүйчүүд тэмдэглэлийн дэвтрээ дэлгэн энэхүү бяцхан зөвлөгөөг тэмдэглээд аваарай.
1. Сарын эхний өдөр таны сарын тэмдэг ирдэг бол та өвчин зовлонгүй гагцхүү аз жаргалаар бялхах болно.
2. Энэ өдөр сарын тэмдэг чинь ирвэл танд хэн нэгэн хүнийг жигшин зэвүүцэх сэтгэл төрнө.
5. Өөрийнхөө тухай магтаалын үг сонсох таатай үе танд ирлээ.
6. Хэрэв та ухаалаг тооцоотой байвал хүсэл тань биелнэ.
9. Таны тухай үг яриа сэтгэлийг чинь зовооно. Та аливаад хянуур болгоомжтой байх хэрэгтэй.
13. Та хэн нэгэнтэй маргалдан хэрэлдэх болно. Иймд аль болохоор хүнтэй ялдам дөлгөөн харьцахыг танд зөвлөе.
14. Чухал сайн мэдээ сонсоно. Гэвч энэ бүхэн түр зуурынх байх болно.
17. Таны олзны үүд нээгдэж ихээхэн шиг орлого олох буюу дуртай юмаа худалдан авах боломжтой.
18. Та удахгүй сэтгэл тэнүүн алхаж нүүр дүүрэн инээмсэглэх болно.
24. Таны сарын тэмдэг энэ өдөр ирвэл та аз жаргалаар бялхан шинэ танилтай болно.
29. Та хэн нэгэнд гомдож уйлна. Нулимсаар юуг ч өөрчлөхгүй. Өөрийнхөө хэн болохыг харуулах нь таны ялагдлыг бус ялсныг илтгэнэ.
30-31. Энэ өдөр таны сарын тэмдэг ирвэл тантай санаандгүй учрал, санамсаргүй адал явдал тохиолдох болно.