Та ганцаардаж байна уу? Хэрвээ тийм бол “Үдшийн сонин” танд ганцаардлыг хэрхэн даван туулах талаар хүргэж байна.
Ганцаардал амьдралын хамгийн гунигтай үе юм. Үүн дээр сексийн харьцаанд оролгүй удаан хугацаагаар явах нь хүнийг сэтгэл зүйн хувьд байх ёстой ёс зарчмаас нь өөрчилдөг байна. Сексийн харьцаанд орохгүй удаан хугацаагаар явсан хүн ганцаардахын зэрэгцээ, харгис хэрцгий зан авиртай болж, сэтгэлийн ариун гэгээн бүхнийг үзэн ядах үзэлтэй болдог аж.
Нийгмийн амьдрал хувьсан өөрчлөгдөж байгаа энэ үед ганцаардах, сексийн харьцаанд удаан хугацаагаар орохгүй байх нь ховор бизээ, Гэхдээ тухайн хүний үзэл бодлоос шалтгаалан энэ нь байх зүйл юм. Түүхийн зарим сурвалж бичгүүдэд дурьдсанаас үзэхэд хүнийг хүссэн хүсээгүй ганцаардуулж, сексийн харьцаанаас татгалзахыг хүртэл шахаж шаардаж байсан баримт үлджээ. Тэр үед сексийг хүний эрүүл мэндэд хортой хэмээн тунхаглаж байсан аж. Хэрэв урт насалж удаан жаргая гэвэл, эрүүл саруул, энх тунх явъя гэвэл сексийг тэвчих хэрэгтэй гэсэн номлолыг хүртэл тарааж, эр эмийн харьцааг ихэд цээрлэн жигшүүлж байжээ. Гэсэн хэрнээ дээрх номлолыг гаргаж байсан ихэс дээдсүүд нь өөрсдөө янаг амрагийн явдалд шунан дурлагч машид тачаангуй хүмүүс байсныг ч
түүхийн сурвалж бичигт мөн дурьдсан байдаг.
Хэрвээ хүн шиг амьдрая гэж байгаа бол ганцаардлаасаа аль болох түргэн гарч, эсрэг хүйстэнтэйгээ сексийн харьцаанд орж сэтгэл санаагаа өөдрөг байлгах хэрэгтэй. Энэ бол амьдралаар нотлогдсон зүйл. Хүмүүс ямар нэгэн шалтгаанаар ганцаараа амьдрах болдог. Энэ нь тэдний зан харьцаанд сөргөөр нөлөөлөхийн сацуу гутранги үзлийг бий болгож өөдрөг давлиун байдлаас нь салгадаг. Хүн дутуу зүйлээ олж авахын хэрээр амьдралын энгийн зүйлүүдийг ихэд хүсэмжилдэг болох нь нэгэнт тодорхой болсон. Иймд та өөрийнхөөрөө л бай. Хамгийн чухал нь сексийн харилцагчаараа өөрийгөө ойлгох хүнээ зөв олж сонгоорой. Ганц бие ч гэсэн сексийн эрдэмд сайн суралцаж, өөрийгөө ганцаардуулахгүй байх нь чухал.
Үдшийн сонин