Moderator : Ixus
Цэцэглэн бид хоёр өчигдрийн үзвэр дээр танилцсан боловч өнөөдөр болоход өндөр байшинд өргөөлж өдөн дэрэн дээр толгой нийлүүлэхээр тохиров. Тэр миний чихэнд зүүлттэй зэс цагирагийг оролдон зогссоноо:
-чи минь яг л рокийн дуучин шиг гоё байна гээд часхийтэл адтай озоод авч байна. Хажуугаар өнгөрсөн хоёр настан цаашлахдаа:
-Аль нь эр юм бэ? Чи ажив уу? Гэхэд нөгөөдөх нь
-Хоёулаа хавхны гар шиг юм чихэндээ зүүчихэж гэх нь чих дэлслээ. Цэцэглэн зам хэрэн аальгүйтэж:
-Үзэлд орсон шог хар юм дагаад байхаар нь ой гутаад нөхөртэй гээд хөөгөөд явуулчхсан гэж дүүхэлзэв. Гэтэл нөгөө нүд үзүүрлэгдсэн “Шог хар юм” нь би шүү дээ. Хөөгөөд явуулсан нь охидын нэрэлхүү үг. Хний урманд нүүр тулж уулзаагүй юм. Харин гэнэт найзынхаа зөвлөснөөр би сорихоор шийдэн маань энэ ухаантай. Театрт алба хаадаг найзаасаа урт хиймэл үс гуйж толгойдоо углаад өрөөсөн чыихэндээ зэс гархи өлгөж, хоё чанамал жинс савхин цамц өмсөж битүү булган малгай духдуулаад ирэхлээр би ч тэр даруй орчин үеийн ганган залуу болчих нь тэр дээ. Бие чөтгөр хувцас бурхан гээчийн үлгэр үнэн ажээ. Би Цэцэглэнг гэрт нь хүргэж өглөө. Эрхэмсэг байрын тарган шар авгай намайг хамрын хөлс бурзайтал сонжсоны дараа л босго давууллаа.
“Ээж танилц. Миний ирээдүйн нөхөр Жагаа гэж охин нь наалинхайтав.
-Тэгээд хүнн минь хэдүүлээ амьдардаг вэ? Гэж хадам ээж болох хүн тоомсоргүй асуугаад янжуур зуув.
-Мама, Папатайгаа амьдардаг. Айлын ганц хүү. Эгч тусдаа гарсан гэж хэлээд би хөлөөачин саявтар гарсан дуу гиншин адар ширтлээ. /Уг нь би арван дүүтэй. Айлын том хүү/
-Тэд хаана ажилладаг юм бэ гэж шалгаахад нь бардам зангаар:
-Папа НҮБ-д байнгын төлөөлөгч. Мама Москвад Элчин сайдын яаманд худалдааны зөвлөх. Австри, Финлянд, Швецарын пүүсүүдийг давхар хариуцдаг гээд найзынхаа жинсний гадаад хаягийг харуулж онгирох маяг үзүүлэхэд тэрээр охиноо надад кофе аягалахыг зөвлөж байна. /Эцэг минь засварчин, ээж нормчинь. Үе дамжсан ажилчин болсондоо би бахархаж явдагсан./
-миний хүү яаж шү амьдарч байна даа гэж толгойг минь илж энхрийлэхдээ хиймэл үсийг мнь золтой хуу татчихсангүй.
-Таван өрөө байарнд ганцаараа амьдардаг Орой болохоор айдаг. Цэцэглэнтэй цуг бол арван каратэч ирсэн ч айхгүй гэж би сүр бадруулан зодолдох дүр үзүүлэв.
-Та хоёр олон өрөө байрны хөлсийг юугаар төлөх юм бэ? Дээ гэж болгоомжлон асуугаад намайг юу хэлэхийг анан ам харав.
-Ихэнхийг улсаас хөнгөлөлт үзүүлчихдэг юм. Үлдсэнийг нь папа, мама хоёр рубль, доллараар гуйвуулаад төлчихдөг гэж хангалуун хариуллаа. /манайх айлын нэг өрөөнд хөлсөөр суудаг. Сүүлийн хэдэн сар мөнгөө төлөөгүй учир нь урь унахаар хөөгдөх гэж байгаа/
-Эгч чинь юу хийдэг билээ, миний хүү хоолоо идэнгээ ээж дээ ярь гэж шавдуулахад нь улам үнэд орох санаатай:
-Сондормаа эгч үслэгийн үйлдвэрт булга, минжний цехийн мастер. Хүргэн ах зөөлөн савхинд зохион бүтээгч гэж хэлээд торгон савхин цамцныхаа хөвүүрийг хүржигнэтэл татлаа.
-Хүргэний минь малгай даанч нүдэнд унаад байсан юм. Цэцэглэнтэйгээ хосоор нь хийлгэвэл миний хүүхдүүд тормойгоод явчихна гэж хадам ээж хэлээд нүд нь гялалзаж нада архи хундагалав. Би зөвхөн коньяк уудаг гэж даврав.
-Хүү минь эрхбиш хөл дүүжлэх унаатай биз дээ гэж байна.
-Москвич аа найздаа өгчихсөн. Папа зун ирэхдээ “Лада” юм уу “Нива” авчирна. Таныг Цэцэглэнтэй цуг Тэрэлжид хүргэж өгнө гэж би томорлоо. Цэцэглэн илт санаа нь зовнин:
-Машиныхаа мөнгийг найзаасаа аваагүй юм уу? Ээжээр хөөцөлдүүлье гэж санал гаргалаа. /ЭЭж минь эхийн тэтгэмжийн мөнгө олгох үеэр отгон дүүд хүүхдийн тэрэг авсан. Манай машин гэвэл ердөө тэр/
-Миний хүү хоноод явна биз дээ гэж хадам ээжийг аргадахаар ньулам цаашлуулж:
-Шөнийн олон улсын суудлын галт тэрэг тосно. Мамаас илгээмж ирнэ гэж намайг сайрхахад Цэцэглэн дагасан боловч хоцроов.
-Илгээмжээ аваад шууд наашаа ирээрэй гээд ээж, охин хоёр намайг ээлжлэн үнсэцгээв.