Улааанбаатар хотод олон байшин шинээр барьжээ.Төв цэнгэлдэхийн хойгуур, баруун талаар гээд Солонгос хэлбэрээр буюу хорооллоор нь барьж байна. /зургийг нь сүүлд үзүүлэе/. Нарантуул захын хойгуур том хороолол барьж, авто замын бас нэгэн хөндлөн  /төв /  зам тавьж байгаа юм байна. Сэлбэ гол байхгүй болсон байна. Зөвхөн голын гольдирол, хайрга нь үлджээ.Түүн дээгүүр том гүүр тавьсан байна. Тэгээд нэгэн байшинд тулсан бололтой тиймээс нөгөө авто зам цааш яаж тавихыг нь мэдэхгүй байна.Ингээд энэ зам зогссон байна.
     Монголд байшин барьдаг бүх компанид Хятад ажилчид байдаг юм байна. Ном дүрмээрээ Хятадаас /гадаад/ ажилчин авах болвол нэг хүний тоогоор улсад сар бүр 200 ам.долл.  өгдөг гэнэ.Тэгээд цалин 100 ам.долл  орчим байр, хоол гээд миний тооцсоноор барилгын туслах ажилчин /гадаад/ сард тухайн компаниас 400 ам.долл  гардаг юм байна. Тэгвэл яг ижил ажлыг хийдэг Монгол хүн сард 150-200 ам.долл  орчим цалин авдаг юм байна. Яагаад ? гэж асуухаар: Монголчууд ажил хийдэггүй, архи, уудаг хулгай хийдэг гэсэн тайлбар тавих юм байна лээ. Эх орончид гэсэн хүмүүс Монголоор дүүрэн байдаг ч ажилгүй Монгол хүнээ ажилтай байлгая, нэг ч болов айлын амьдрал гэж боддог Монгол эзэд, Монгол дарга нар ховор юм. Солонгост Монголчууд барилга дээр яаж ажилдаг бил ээ.
Монголд Монгол хүний хөдөлмөрийг шударгаар үнэлэхгүй байгаагаас өнөөдөр хүртэл Солонгос , Чехийн элчингийн үүдэнд  бөөн хүмүүс.
     Монгол барилга гэдэг зүйлийг үнэхээр барьж.
Барилгын цементийн ихэнхийг Хятадаас, зуурмагний ихэнх компани Солонгос эзэдтэй, армотур төмөрийг Хятадууд, тоосго, блокны ихэнх нь Хятад, Солонгос эзэдтэй, зуурмаг зөөх даацын авто машин бүхий бааз нь Солонгос эзэдтэй, барилгын захиалга авдаг томоохон компани нь Солонгосууд. Ийм л байдалтайгаар Монголд байрны үнэ м,кв 600ам.долл-1000ам.долл  болсон юм байна. Монгол хүн залхуу биш, Солонгост ажил сурдаг ч юм биш. Хөдөлмөрийг нь шударгаар үнэлээд л байвал....