Гурилын үнэ: 2009 оны 6 дугаар сарын 26-ны байдлаар өмнөх 5 дугаар сарын дундаж үнэтэй харьцуулахад “Алтан тариа” ХК-ийн задгай дээд гурилын үнэ 0.1 хувь, 1-р зэргийн гурилын үнэ 4.5 хувь, “Алтан тариа” ХК-ийн савласан дээдийн дээд болон дээд гурилын үнэ 0.8-1.0 хувь, 1 ба 2-р зэргийн гурилын үнэ 2.8-4.2 хувиар тус тус буурсан байна. Харин орос дээд гурилын үнэ 2.2 хувь, хятад дээд гурилын үнэ 1.8 хувиар тус тус өсчээ. “Алтан тариа” ХК-ийн задгай 2-р зэргийн гурилын үнэ, орос 1-р зэргийн гурилын үнэ тогтвортой байв.

             Өмнөх 7 хоногийнхтой харьцуулахад “Алтан тариа” ХК-ийн савласан 2-р зэргийн гурилын 0.5 хувиар буурсан бол бусад гурилын үнэ харьцангуй тогтвортой байлаа (Зураг 3, 4).

  Зураг 3. Дээд гурилын жижиглэн худалдах үнэ                 Зураг 4. I,II зэргийн гурилын жижиглэн худалдах үнэ

Будаа, элсэн чихрийн дундаж үнэ: 2009 оны 6 дугаар сарын 26-ны байдлаар цагаан будааны үнэ өмнөх 5 дугаар сарын дундаж үнэтэй харьцуулахад 4.0 хувь, элсэн чихрийн үнэ 2.6 хувь, шар будааны үнэ 3.0 хувиар тус тус буурчээ.

Өмнөх 7 хоногийнхтой харьцуулахад эдгээр бүтээгдэхүүний үнэ харьцангуй тогтвортой байна.

            Төмс, хүнсний ногооны дундаж үнэ: 2009 оны 6 дугаар сарын 26-ны байдлаар төмс, хүсний ногооны үнийг өмнөх 5 дугаар сарын дундаж үнэтэй харьцуулахад дотоодын төмсний үнэ 3.5 хувь, сонгины 18.3 хувь, монгол луувангийнх 23.4 хувь, манжингийнх 5.3 хувиар тус тус өссөн бол байцааны үнэ 5.8 хувиар буурсан байв.

            Өмнөх 7 хоногийнхтой харьцуулахад сонгины үнэ 1.5 хувь, луувангийнх 8.9 хувь, манжингийнх 2.1 хувиар тус тус өссөн бол дотоодын төмсний болон байцааны үнэ харьцангуй тогтвортой байжээ.

             Сүү, өндөг, ургамлын тос, цөцгийн тосны дундаж үнэ: 2009 оны 6 дугаар сарын 26-ны байдлаар өмнөх 5-р сарын дундаж үнэтэй харьцуулахад цөцгийн тосны үнэ 2.0 хувь, ургамлын тосных 2.1 хувь, сүүний үнэ 38.6 хувь, өндөгний үнэ 0.5 хувиар тус тус буурсан байна.

             Өмнөх 7 хоногийнхтой харьцуулахад сүүний үнэ 15.6 хувь, өндөгний үнэ 0.5 хувиар буурсан бол ургамлын тосны үнэ 0.5 хувиар өссөн байна.

Хүнсний гол нэрийн барааны үнэ, аймгаар

Хүнсний гол нэрийн барааны 7 хоногийн үнийн судалгаанд  аймгийн төвүүдээс  гурил, хонь, үхрийн мах, талх, цагаан будаа, шингэн сүү, элсэн чихрийн үнийг судалж байна (Хавсралт хүснэгт 3).

Гурилын үнэ: 2009 оны 6 дугаар сарын 26-ны байдлаар аймгийн төвүүдийн хүнсний зах, дэлгүүрт хэрэглээ ихтэй  1-р зэргийн гурилын үнэ 570-900 төгрөгийн хооронд зарагдаж  байна. Гурилын үнийг өмнөх 7 хоногийн дундаж  үнэтэй харьцуулахад Архангай аймагт 30 төгрөгөөр буурсан бол бусад аймагт харьцангуй тогтвортой байв.                                                                                                                            

Баян-Өлгий аймагт 1-р зэргийн гурилын үнэ хамгийн хямд буюу 570 төгрөг байхад Завхан, Өмнөговь, аймагт 900 төгрөг байгаа нь хамгийн өндөр үнэ байна.

Махны үнэ: 2009 оны 6 дугаар сарын 26-ны байдлаар хонины махны үнийг өмнөх 7 хоногийн дундаж үнэтэй харьцуулахад Баян-Өлгий, Баянхонгор, Булган, Дорноговь, Дундговь, Өмнөговь, Ховд, Хөвсгөл, Дархан-Уул, Орхон, Говьсүмбэр аймгуудад 33-300 төгрөгөөр буурчээ. Харин Дорнод, Өвөрхангай, Сэлэнгэ аймагт хонины махны үнэ 100-200 төгрөгөөр өссөн байна. Бусад аймагт хонины махны үнэ тогтвортой байв. Хонины махны үнэ Хэнтий аймагт хамгийн өндөр үнэтэй буюу 3800 төгрөг байхад, Говьсүмбэр аймагт 2600 төгрөг байгаа нь  хямд үнэ байна.

Үхрийн махны үнэ өмнөх 7 хоногийнхоос Баян-Өлгий, Баянхонгор, Булган, Дорноговь, Хөвсгөл, Говьсүмбэр аймгуудад 33-500 төгрөгөөр буурсан бол, Дорнод, Өвөрхангай, Сэлэнгэ, Хэнтий аймгуудад 100-300 төгрөгөөр өсчээ. Үхрийн махны үнэ Хэнтий аймагт 4300 төгрөг буюу хамгийн өндөр үнэтэй байхад Баянхонгор, Сүхбаатар, Увс, Говьсүмбэр аймагт 2800 төгрөг буюу хамгийн хямд үнэ байна.

Ямааны махны үнэ өмнөх 7 хоногийнхоос Архангай, Баянхонгор, Дорноговь, Дундговь, Завхан, Сүхбаатар, Хөвсгөл, Орхон, Говьсүмбэр аймагт 50-600 төгрөгөөр буурч, Дорнод, Өвөрхангай, Сэлэнгэ  аймгуудад 100-200 төгрөгөөр өсчээ. Бусад аймагт ямааны махны үнэ тогтвортой байв. Ямааны махны үнэ Дундговь аймагт хамгийн хямд буюу 1800 төгрөг байхад, Сэлэнгэ аймагт 3000 төгрөг байгаа нь хамгийн өндөр үнэ байна.

Малын сүүний үнэ: 2009 оны 6 дугаар сарын 26-ны байдлаар малын сүү нийт аймагт 400-1850 төгрөгийн хооронд худалдаалагдаж байна. Өмнөх 7 хоногийн үнэтэй харьцуулахад сүүний үнэ Архангай, Баян-Өлгий, Булган, Дорноговь, Дорнод, Сэлэнгэ, Төв, Ховд, Орхон, Говьсүмбэр, Увс, Хөвсгөл аймгуудад 50-233 төгрөгөөр буурсан буурчээ. Сүүний үнэ Дундговь аймагт хамгийн өндөр буюу 1850 төгрөг, Орхон, Булган аймагт хамгийн хямд буюу 400 төгрөг байна.

Элсэн чихэр, цагаан будааны үнэ: 2009 оны 6 дугаар сарын 26-ны байдлаар цагаан будааны үнэ Говьсүмбэр аймагт 100 төгрөгөөр өсч, Өмнөговь аймагт 34 төгрөгөөр буурсан байна. Цагаан будааны үнэ Дорнод аймагт хамгийн хямд буюу 1000 төгрөг, Завхан, Сэлэнгэ, Хөвсгөл аймагт хамгийн өндөр буюу 1400 төгрөг байна.

Элсэн чихрийн үнэ Говьсүмбэр, Сэлэнгэ аймагт 30-100 төгрөгөөр өссөн бол бусад аймагт үнэ харьцангуй тогтвортой байна. Элсэн чихрийн үнэ Дорнод аймагт хамгийн хямд буюу 1000 төгрөг байна.

ҮСХ-ны Макро эдийн засгийн статистикийн газар

2009 оны 6 дугаар сарын 26