Хүн ямар л бодол бодож бие, хэл, сэтгэлийн, биеийн үйл хийнэ түүнийхээ үр дагаварыг эдэлдэг” гэж үйлийн үрийн хуулиар тайлбарладаг. Хүний муу, сайн яваа нь урьд төрлийн хийсэн үйлээс шалтгаалдаг. Өөрөөр хэлбэл, юу бодож байна, түүнээсээ шалтгаалдаг.
Бид эгэл бөөмсөөс бүтсэн ертөнцөд амьдарч байгаа. Бидний бие махбодь ч ялгаагүй. Тэгвэл тэр эгэл бөөмс хүний бодлын тушаалаар ажиллаж байдаг юм байна. Тийм болохоор “Санаа зөв бол заяа зөв”гэсэн зүйр үг байдаг. Сайн санааны үзүүрт шар тос гэхээс гадна салхины хур наашилна гэдэг.Энэ бол үе үеийн ард түмний ажиглалт, мэргэн ухаан.
Сайн явах санааных....
Бидний амьдралд тохиолдож буй юм болгон учир утгатай байдаг нь бидний өөрсдийн үйлдэлтэй нягт холбоотой, эх үүрсвэртэй болохоор та амьдралд илүү их бэрх ,бэрхшээл үзэхгүйн тулд өөрийгөө өөрчлөх,хэнд юунд ч өөртөө ч муу юм хийхгүй байхыг хичээх хэрэгтэй юм байна.
Хүн амьдралдаа тохиолдсон хариуцлагыг хүлээх ёстой билээ. Хүний оюун санаанд сайн муу бодол эргэлдэн байдаг. Сайн нь давамгайлан муугаа устгавал аз жаргалтай,эрүүл саруул,баян чинээлэг,олон түмэнд буянтай хүн болдог.
Хэрвээ муу санаа нь давамгайлвал бурууг бусдаас хайж, хариу үйлдэл хийсээр байгаад насыг бардаг.
Үүнийг монгол ардын зүйр цэцэн үгэнд “Санаа муут яван хатна,сарьсан багваахай наранд хатна” гэж хэдхэн үгээр маш ойлгомжтой хэлсэн байдаг. Тохиолдсон бэрхшээл бүрийг үйлийн үр гэж ярьдаг нь бас тийм биш гэнэ.
Хүн эхээс төрөхдөө маш цэвэр ариун төрдөг ба өсөх торнихын хирээр үйлийн үр дагадаг юм байна.Тэгвэл үйлийн үрийг өөрчлөж чадах гол агуулга нь урьд тохиолдсон муу зүйлийг мартаж, баяр хөөр, аз жаргал,сайн сайхан санаагаар оюун ухаанаа цэнэглэж сайхан амьдрана гэсэн үг.
Хүн аз жаргалаа өөрөө мэдэрч сурсанаар аз жаргалтай болно. Ингэхлээр аз жаргалтай байх эсэх нь өөрөөс чинь шалтгаалах болж байна. Хэрэв та аз жаргалыг хаа нэгээс хайвал зовлон л нэмнэ.
Хүн өөрөө аз жаргалтай байгаагаа мэдэрдэггүй учир нь амьдралд тохиолдсон элдэв муу зүйлийг тархи толгойдоо агуулснаар сайныг устгадагт байгаа юм.
Хүн бол энэ ертөнцийн баялаг, гайхамшиг, энэ ертөнц нь өөрөө хязгааргүй, түүний адилаар хүний бодол санаа үзүүргүй билээ.
Монгол хүн бүр “Сайн явах санааных” гэдэг зүйр үгээ ухан бодож санахад л болно. Хүн маш агуу, маш хүчтэй, хүн мөрөөдлийн их хүчээр амьдардаг.
Энэхүү эмхэтгэлд зарим зүйл дэндүү энгийн хэн бүхний мэддэг юм шиг санагдаж магадгүй. Тэгж бодвол эндүүрэл, та өөрийгөө хуурна. Хамгийн энгийн зүйлийг амьдралд хэрэгжүүлэхэд хэцүү байдаг шүү дээ. Энэхүү миний бичсэн зүйлд нэг юмыг олон давтсан нь таны ухаан санаанд тогтоож өгөх гэсэн билээ.
Олон давтсанаар амьдралд хэрэгждэг, сэтгэлд хоногшдог шүү дээ. Амжилт олоход барих гогцоо хэрэгтэй. Та энэхүү миний бичсэн зүйлээс тэр гогцоог олно гэж найдаж байна.
Аз жаргал
Аз жаргал бол замгүй зам, зорилгогүй зорилго. Хүн аз жаргалтай амьдарья гэж бодоод байдаг. Гэтэл тэр аз жаргал нь ердөө олддоггүй. Тэгээд хэзээ нэгэн цагт л аз жаргалтай болно гэж хүлээдэг. Тэгвэл хүлээгээд ирдэггүй ,хайгаад олддоггүй, тэр аз жаргал та бүгдийн дотор чинь байгаа. Хүн аз жаргалтай байгаагаа мэддэггүй. Хэрэв та аз жаргал хайвал танд зовлон л ирнэ. Яагаад гэвэл аз жаргалыг хайх явцдаа аз жаргалаа алдаад байдаг. Тиймээс аз жаргалаа өөрөөсөө мэдэрч сурснаар аз жаргалтай байх эсэх нь өөрөөс чинь шалтгаална гэсэн үг. Хүн бол маш агуу. Хүн бодлоо үгээр илэрхийлэхийн хамт үгээ хянаж байдаг. Хүний бодол маш хүчтэй гэдэг. Өчигдрийн бодсон бодол өнөөдрийн амьдрал болж байдаг. Иймийн тулд аз жаргалтай байж сурах хэрэгтэй гэнэ. Аз жаргалтай байх эсэх нь зөвхөн таны бодлоос шалтгаална. Иймээс өдөр бүр аз жаргалтай байж аз жаргалаа мэдэр. Ингэхийн тулд таныг яаж ч гомдоож байсан тэр хүмүүсийн тухай муугаар бүү бод. Энэ нь таны дотор байгаа муу муухайг тэжээж, тэтгэж байдаг тул тэр тэжээдэг хоолыг нь устгачихвал таны доторх муу муухай зүйлүүд устаж үгүй болж гэрэл гийнэ. Мөн бурууг бусдаас хайх хэрэггүйн дээр өөрийнхөө талаар үргэлж өөдрөг бодож яв.

Мөн бэлэг дэмбэрэлгүй үг хэллэг болох “үгүй,байхгүй,чадахгүй,би хоосон хүн, би ядуу хүн, надад жаргал хэзээ ч ирэхгүй “ гэх мэтийг хэлэхгүй байхыг хичээхийн дээр үглэх, уурлах, загнах, гомдох, хардах нь танд байгаа аз жаргалыг арилгахаас гадна таны цаашдын аз жаргалд саад болдог. Баярлана гэдэг нь тэр хүнд эрчим хүч | энерги | өгсөж ирж байна гэсэн үг. Иймд таны эргэн тойронд аз жаргалын эрчим хүч бүрхсэн гэж бод. Ингэснээр танд “хараал,татга” болон муу зүйл хүрэхгүй, зовлон ирэхгүй. Гэнэт баярлаж хөөрвөл юунаас болж ингэснээ мэдэрч , энэ мэдрэмжээ хадгалж , баярлаж байхыг хичээ. Аз жаргалыг мэдэрсэн хүн бол ямар ч хүнд өвчнийг сайнаар төсөөлж байгаад эдгэсэн тохиолдлын тухай маш олон жишээ байдаг....
Дахин хэлэхэд оюун санаандаа хорсох, шунах, занах, шүүмжлэх, атаархах, хардах гэх мэт муу муухай бодлыг агуулахгүй байж сурах нь чухал шүү.
Мөн аймшгийн кино маш их муу энерги цацдаг учир нас богиносгодог ба тэр айлд хар энерги буй болдог.Иймээс аз жаргалыг олж авч сурах дадал бас хэрэгтэй. Тиймээс харьцсан хүн болгоноос аз жаргал авч сур. Аяандаа бүх зүйл өөрчлөгдөн аз жаргалаар дүүрнэ. Та ингэж эерэг сайхан сэтгэлээ байнга гаргаж, хандаад байхаар бусдыг өөрөөр буюу сайн талыг нь харж эхэлнэ, түүнийгээ байнга давтдаг болчихно.
Ингэж дадсан тохиолдолд муу юмнаас эерэг энерги олж чаддаг болно. Нэг ёсондоо сөрөг муу үйлдлээс эерэг зүйл олж чадна гэсэн үг.
Ер нь аз жаргалд саад болдог зүйл бол өөрийгөө дутуу үнэлдэг хүнд тохиолддог бусдыг муулж, хорлох гэсэн атаархал хорон үйлдэл билээ. Тэгснээр тэр хүн насан туршдаа хүнээс илүү гарах гэж яваад амьдралын гол шугамаа алдаж, хамаг аз жаргалаа гээчихдэг билээ. Энэ бүгдийн цогц шийдэл нь та аз жаргалыг өөрөөсөө гэрэлтүүлж , өрөөлөөс цуглуулж сурах гэсэн үг болой!