Бичлэгийн тоо 4,494
| |||||||
|
Эр хүний баруун нүд нь зүүнээсээ том, эм хүний зүүн нүд нь баруунаасаа том байдаг. Мэдрэмж сайтайн дээр угаасаа манлайлах авьяастай, эрхэмсэг хүмүүс том нүдтэй байдаг. Том нүдтэй хүний аньсага нь үрчлээ ихтэй байваас эрх мэдэлтэй явах тэмүүлэлтэйн шинж юм. Хэтэрхий дүрлэгэр дүгрэг нүдтэй хүн мөрөөдөмтгий, залхуу, хааяа дэгсдүүлчихдэг байж ч болзошгүй. Хар нүдтэй хүмүүс сэргэлэн цовоо, сониуч зантай байхын сацуу уран үгтэй байх нь элбэг.
Сэрэмжтэй л явахгүй бол увайгүй зан гаргаж мэдэх нөхрийг мэхлэхээс ч буцахгүй хүний нүд дүгрэг бөгөөд тогтворгүй байна. Уртавтар нүдтэй хүн ухаалаг, онигор, хөнхөр нүдтэй хүн хэрсүү, хааяа залирхаг байдаг. Ер нь ухархай руугаа лав суусан хөнхөр нүдтэй улс юманд итгэдэггүй, хардамтгай, бүтэл муутай байдаг. Хялардуу нүдтэй эр хүн зоримог, эм хүн нь ухаан муутайдуу байдаг. Цамаан зантай хүний нүдний хоёр булан соотон, урт байна. Нүдний цагаан нь шаргалтсан, хөхөлбөртсөн, нулимс цийлэгнэсэн, дотор булан нь улайсан харагдах нь сэтгэл санааны дорд орсны шинж юм. Нүдний цагаан нь солонгон бүрхэвчний хажуугаар харагдаж, дээр доор холбогч цагаан судалгүй бол энхрий, өр нимгэн, тачаангуй хүний шинж. Солонгон бүрхэвчний дээр буюу доор нь нүдний цагаан судал харагдаж байвал хатуу ширүүн авиртай, хувиа хичээдэг хүний тэмдэг юм. Хар гэгддэг маш бараан, хүрэн бас ногоон нүдтэй хүмүүс найдвартай, үнэнч амьдрах тэнхэл ихтэй байдаг. Амьдрах тэнхэл муутай нь солонгон бүрхэвч шар байдгаас гадна цайвар байна. Ерөөсөө мэдрэмж сайтай, сайхан сэтгэлтэй, үгэнд оромтгой, зорьсондоо хүрдэг хүмүүсийн нүд цэнхэр байдаг бол цайвар хүрэн нүдтэй хүмүүс тайван, харахад ширүүн төрхтэй боловч энхрий зөөлөн, өрөвчхөн сэтгэлтэй хайхрамжгүй байдаг ажээ. Хөхөлбөр, ялангуяа гялалзсан хар нүд, эрч хүч, хатан зоригтой, ажилсаг шинжийг илтгэдэг. Их сайхан сэтгэлтэй, уриалагхан шударга хүн орог саарал нүдтэй байдаг. Нөхцөл байдал өөрчлөгдөхийг түргэн мэдэрч хариулдаг, ямарваа бэрхшээлийг давдаг, сониуч бөгөөд хүсвээс хэнийг ч атугай илбэдэж чадах хүн орог саарал нүдтэй байдаг. Дээд аньсага нь бөлцгөр хүн хувиа хичээсэн, хүнийг хайрлаж ивээх нь эс хэл өөрөө л бусдаас хайр ивээл хүртэж явах эрмэлзэлтэй байдаг. Доод зовхи нь дээдхээсээ бөлцгөр бол бусдад харамгүй сэтгэлээр ханддаг. Өөрөө бусдын баяр талархлыг хүлээж явдаг бол доод зовхи нь дээдхээсээ бөлцгөр байдаг. Хэрэв хүн амьдралынхаа зорилго, үйл ажиллагаагаа өөрчлөхөд, тухайлбал, ажиглагчийн байр сууринаас амьдралд ханддаг байснаа болиод, амьдралд идэвхтэй байр суурь эзэлж эхлэхэд нүдний өнгө өөрчлөгддөг байна.
Нүдний хонин бор өнгө бол эр хүний өнгө юм. Тийм нүдтэй хүмүүс хүчин чадлаа өгөх ч, авах ч чадвартай байдаг. Ногоон өнгө нь эмэгтэй хүний болоод янаг сэтгэл, уян зөөлөн ааш, зохицлын өнгө юм. Ногоон нүдтэнгүүд өгөөж сайтай байдгаас гадна сайн төдийгүй муу ч байдаг. Цэнхэр буюу саарал нүдтэй хүн дандаа төвийг сахиж хөндлөнгөөс харж суудаг. | |||||||
Эх орон гэдэг төрж өссөн нутаг ус
Эх орон гэдэг төрүүлж өсгөсөн эцэг эх
Эх орон гэдэг мөр зэрэгцсэн анд нөхөд
Эх орон гэдэг мөнгөөр үнэлшгүй хувь заяа
- Холбоотой бичлэг :
- http://www.mglclub.com/3139017/273/trackback
