Ч.Чимид 

Аргалын утаа боргилсон
Малчны гэрт төрсөн би
Атар хээр нутгаа 
Өлгий минь гэж боддог
Цэнхэр манан суунагласан
Алсын бараа ширтээд
Цэлгэр сайхан нутгаа
Сэтгэл бахдан харахад
Yлээж байгаа салхи нь
Yнсээд байгаа ч юм шиг
Өршөөлт ээжийн минь гар 
Илээд байгаа ч юм шиг 
Энэрэнгүй сайхан санагдахад
Элэг зүрх минь догдолж 
Хосгүй баярын нулимс 
Хоёр нүдий минь бүрхдэг 
Унасан энэ нутгаа би
Өөрийн бие шиг хайрлаж
Угаасан тунгалаг мөрнөө би
Эхийн сүү шиг санадаг,
Энэ нутагтаа би эзэн нь юм,
Энхрийлэлд нь өссөн хүү нь юм
Ирээдүйгий нь түмэнтэйгээ босголцох
Их үүрэг хүлээсэн юм
Хэрэв хүн, эх орноо 
Хамгаас үнэтэй гэдэг бол
Хээр тал нутгаа
Юунаас ч илүү санадаг бол
Ажиллах хөдлөх бүрдээ 
Ард түмнийхээ мөлөө бол
Алхах гишгэх болгондоо 
Аугаа орныхоо төлөө бол
Алтан шороо руугаа дайрсан
Атаатны хорт сумыг
Аюуш шиг цээжээрээ таглан
Амиа өхөөс буцдаггүй бол
Энэ хүн монгол хүн
Эх орондоо хайртай хүн
Бие амь, бүх насаа
Авч байгаа амьсгаагаа
Оргилж байгаа зоригоо
Алины нь ч хайрлалгүй зориулдаг
Төрөлх нутгаа гийгүүлсэн
Нарны туяанд хайртай би
Төвшин талдаа цууриатсан
Эгшигт дуунд дуртай би
Ханагар чөлөөт нутгаа
Харах тутмаа баясаж байна,
Халуун амиа дүйхгүй 
Хатан зоригт Би монгол хүн...