Түүхийн сонирхолтой баримтуудыг үргэлжлүүлэн хүргэж байна. Заримыг нь та мэдэхгүй ч байж магадгүй. Түрүүч нь http://mnews.mn/news/3/single/19563-т.



Македоны Александр хааны анх санаачилж, боловсруулсан тагнуулын арга барилыг одоо ч ашигласаар байгаа аж. Тэр өөрийн цэргүүдэд ар гэртээ захиа бичихийг тушаагаад дараа нь бүх захиаг нэгийг ч үлдээлгүй нээж уншдаг байв. Удахгүй болох тулаанд ялна гэж бичээгүй, мөн байлдаанд ялах хүсэл эрмэлзлэлгүй цэргүүдийг Александр хааны тушаалаар цаазалдаг байлаа.



Эртний Хятадын Юэ хаант улсыг захирч байсан Гоу цзянь дайснаа айлгах өвөрмөц аргатай байв. Тэр цаазын ял авсан гэмт хэрэгтнүүдийг өөрийн армийн өмнө эгнүүлэн зогсоодог байжээ. Тэдгээр гэмт хэрэгтэн байлдааны өмнө өөрсдийн толгойгоо цавчиж дайснаа айлгаж сандруулдаг байсан гэдэг.



Грекийн гэгээрүүлэгч Горгий Эпирский нас барсан эхийнхээ авсан дотор төржээ. Эхийг нь оршуулж байсан хүмүүс нярай хүүхдийн уйлахыг сонсоод түүнийг авснаас гаргаж авсан байна.


АНУ-ын Үндсэн хуульд зөв бичих дүрэм, хэл бичгийн асар олон алдаа байдаг.



Мексикийн генерал Антонио Лопес де Санта-Анна өөрийн хөлөө тайруулсны дараа асар том оршуулгын ёслол зохион байгуулж байжээ.


XIX зууны эхэн хүртэл хиймэл шүд хийхийн тулд тулаанд амь үрэгдсэн цэргүүдийн шүдийг ашигладаг байсан.


Эртний Египетэд ариун шүтээн фараоны бие дээр ялаа, шавьж суухаас сэргийлэн зарцуудын биед зориуд зөгийн бал түрхдэг байсан аж.

 

Оросын хаан Агуу Петр эхнэрийнхээ нууц амрагийн толгойг тасалж, тусгай шингэнд хийжээ. Тэгээд бальзамжуулсан толгойг эхнэрийнхээ унтлагын өрөөнд тавь гэж тушаасныг ёсоор болгосон.


XIX зууны эхээр хүмүүсийг амьдаар нь оршуулах тохиолдол маш их байсан тул зарим авсыг тусгай механизмаар тоноглож байв. Тэр механизмын ачаар гэнэт “амь орсон талийгаачид” оршуулгын газрын хонхыг цохиж дуургадаг байжээ.


Мөстлөгийн үед Их Британий арлуудын оршин суугчид хүний гавлыг аяга, цом болгож хэрэглэж байв.