Бичлэгийн тоо 372
Солонгост байгаа монгол иргэдийнхээ талаар санаа тавьж байгаа хүн байна уу...
Уншсан 6443 vote 0 2013.04.04 13:13:52-Цөмийн дайны ирмэгт тулчихаад байгаа Солонгост манай хэдэн иргэн байгааг ГХЯ мэдэж байгаа юм болов уу-
Сирид
ерөнхийлөгч Башар Асадаа эсэргүүцсэн жагсаал цуглаан болж тэр нь
иргэний дайн болж өргөжөөд хоёр жилийн нүүр үзлээ. Энэ хугацаанд 70
мянга орчим хүний амь нас үрэгдлээ. За энэ ч одоо яана гэхэв, ёстой хар
нүднээс хөмсөг гадна гэдэг шиг хаа тэртээ юм. Манай монголоос тэнд хүн
байдаг ч юм уу, үгүй ч юм уу, бүү мэд. Манай энхрий хайрт төр засгийн
Гадаад харилцааны яам ажин түжин байхыг бодоход аюул осолгүй л юм байх
гэж бодож суухаас.Одоо гадаадад амьдардаг монголчуудын маань дийлэнх оршин суудаг Солонгос улс оршин байдаг Солонгосын хойгийн байдал улам хурцадчихлаа.
“Нэг үндэстэн, нэг улс” гэж бараг л 70 жил ярьсан энэ хоёр улс өнөөдөр дэлхий нийтийг түгшээсэн цөмийн дайны ирмэгт тулж ирээд байна. Үүнийг БНАСАУ буюу Умард Солонгосын засгийн газраас НҮБ-ын Аюулгүйн зөвлөлд илгээсэн захидал нотолж байна. Энд “Солонгосын хойг дэлбэрэхэд бэлэн болоод байна. Хэзээ ч цөмийн дайн эхэлж магадгүй боллоо гэдгийг БАНАСАУ албан ёсоор мэдэгдэж байна” гэжээ.
Умардын залуу удирдагч Ким Чен Ун цэргийн ангиуддаа байн байн очиж, старатегийн пуужинт цэрэгтээ Өмнөд Солонгос, Гаум, Хавайн арал дахь АНУ-ын цэргийн баазууд, бүр эх газарт нь, Өмнөд Солонгост цохилт өгөхөд бэлэн байхыг тушаалаа. Өмнөд Солонгос ч Умардын зүгээс ямар нэгэн халдлага гарах юм бол хариу цохилт өгөхөд бэлэн байхыг зэвсэгт хүчиндээ даалгаад байна.
Барууны орнууд, энхийг хүсэгчид энэ бүхэнд үнэхээр түгшиж байна. Үнэхээр зүүн өмнөд Ази, Солонгосын хойг цөмийн дайны ирмэг дээр ирчихэж. Цөмийн дайн болж атомын бөмбөг дэлбэрдэггүй юм гэхэд өчүүхэн л шалтаг гарвал буудалцахад бэлэн байх шиг. Хамгийн сүүлд Ким Чен Ун пуужинт болон артиллерийн цэргийн удирдах албуаныхантай өнгөрсөн шөнө шуурхай хуралдаад "АНУ түрэмгийлэлд бэлтгэж буйг БНАСАУ зүгээр ажиглан суух бодолгүй" бөгөөд "АНУ-ын цөмийн өдөөн хатгалгад цөмийн хайр найргүй довтолгооноор хариу барина" гэж гэсэн байна.
Харь оронд очиж амьдралаа дээшлүүлэхээр явсан хүмүүсийн маань олонхи нь амьдардаг энэ улс, бүс нутгийн байдал ийм болж байхад манай төр засаг тэнд аж төрж байгаа хүмүүсээ анхаарч анзаарч байна уу. Дипломат ёсоо бодоод олон улс гүрэнд зар цуу болж “Хүүе, хаая” гэж чимээ дуулиан болдоггүй юм гэхэд ер нь энэ бүсэд, Өмнөд Солонгост хэдэн хүн маань бий билээ, хаана хаана, ямар хотод байгаа юм бол гээд сураглаж байгаа болов уу.
Гадаадад амьдраад ажил хөдөлмөр хийж гэр орноодоо хэдэн доллар явуулдаг, энэ нь монгол оронд минь хөрөнгө оруулалт болж байна хэмээн магтахаас цаашгүй, гадаад оронд айлчилсан өндөр албаны хүмүүс очиж баахан худал ярьж нүдэнд нь нулимс хуруулдгаас хэтэрдэггүй, сүүлийн үед харин сонгуулиар саналыг чинь авна гэдэг төдий л байсаар байх уу.
Яг нарийндаа манай төр засаг гадаад оронд байгаа иргэдийнхээ нарийн тоог ч мэдэхгүй л дээ. Эндээ байгаа иргэдийнхээ тоог гаргаж чаддаггүй юм чинь арга ч байж уу. Тэгэхээр тоог нь мэдэхгүй юм чинь аль хотод, хэдэн монгол хүн байгааг, юу хийж яаж амьдарч байгааг бол бүр ч таг чиг. Ялангуяа хоёр солонгосын хил залгаа бүсэд хэдэн монгол хүн байгаа юм бол.
Монгол Улсын Гадаад хэргийн яам, консулын газрын хийж байх ажил чухам энэ л баймаар. Сайд нь зүгээр л гадаадаар хэсээд, ажилтнууд нь энд хэрхэн яаж албан тушаал ахихаа бодоод, дипломат паспорт, визийн наймаа хийгээд суух биш нэгийг ч нэг гэхгүй гадаад оронд амьдарч байгаа иргэдийнхээ төлөө санаа тавьж байх ёстой биш үү.
Манай хойд хөрш ОХУ гэхэд л иргэний дайн болж байгаа Сириэс өөрийнхөө иргэдийг тусгай онгоцоор ээлж дараалан зөөн авчирч байна.
Энд тэнд томоохон гамшиг, авто осол гарах бүрийд Гадаад харилцааны яам нь юун түрүү тэнд Оросын иргэн байв уу хэмээн сураглаж, энэ талаараа хэвлэлээр яаралтай зарлаж байна. Гамшиг ослын мэдээ бүрийн дор тэр дотор ОХУ-ын иргэн байсангүй гэсэн үг зүүлттэй байна. Байсан бол хаана ямар байдалтай байгаа гэдгийг тодорхойлоод нэрийг нь зарлаж байдаг. Үнэхээр хаа нэгтээ жуулчид осолдлоо, гамшиг осол боллоо гэхэд аль ч улсын Гадаад харилцааны яамны эн тэргүүнээ хийх ёстой ажил нь энэ баймаар. Гэтэл манай ГХЯ гэж таг чиг. Ерөөсөө л айлчлал...айлчлал гээд л гүйгээд байдаг. Буруу ч биш л дээ. Гэхдээ энэ бол ажлынх нь нэг л хэсэг баймаар....
Өөрсдөө энэ талаар, иргэдийнхээ төлөө сэтгэхгүй, ажиллахгүй, сураад очиж байгаа хүнд мэдээлэл өгөхгүй, таг чиг.....хаалттай байгаад л байх уу. Өмнөх Засаг нь л лав ийм байсар ирсэн, өнөөгийн шинэчлэлийн Засгийн газар нь ямар юм бол доо.....харж л байна.
Хоёр Солонгос тун хүнд байдалд байна даа хэмээн дэлхий нийтээрээ сэтгэл зовнин харцгааж байна. Харин манай төр засаг тэнд байгаа хүмүүсийнхээ талаар юу бодож байдаг юм бол доо.
Эх сурвалж: www.assa.mn
