БНАСАУ-ын эрх баригчид Өмнөд Солонгосын бизнесмэнүүд болон түшмэдийг хоёр орны харилцаа хурцадсаны улмаас дөрөвдүгээр сард хаагдсан Кэсон аж үйлдвэрийн паркын үйл ажиллагааг сэргээх боломжийн талаар ярилцахаар урьсан байна. Энэ талаар өнөөдөр “Ренхап” агентлаг мэдээллээ. БНАСАУ-ын Солонгосыг энхийн замаар нэгтгэх хорооны төлөөлөгч мэдэгдэхдээ Пхеньян бэлэн бүтээгдэхүүн гаргах гэхмэтчилэн тус цогцолборын үйл ажиллагааг хэвийн болгоход бүхий л асуудлыг хэлэлцэхэд бэлэн байгаа хэмээв.

Түүнчлэн тэрээр БНАСАУ хэлэлцээрт оролцохоор ирэх Өмнөд Солонгосын бүх иргэний аюулгүй байдалд баталгаа өгч байна гэж онцлон хэлсэн байна. БНАСАУ ийнхүү Кэсон дахь цогцолбор хаагдснаас хойш анх удаа сэргээх талаар асуудлыг гаргаж тавилаа. Өмнө нь Өмнөд Солонгосын талаас ийм санал тавьж байсан ч Пхеньяны удирдагчид татгалзсан хариу өгч байсан юм. Кэсон дахь аж үйлдвэрийн цогцолбор нь 2004 оноос хойш Хойд, Өмнөд Солонгосын амжилттай хамтран ажиллаж байгаа цөөн жишээнүүдийн нэг байсаар ирсэн билээ.