Бичлэгийн тоо 372
БНСУ-д энэ сарын 26-аас эхлэн орсон ширүүн бороо жил орох хурын хэмжээтэй тэнцэхээр их орж дэлхий дахиныг шуугиулсан. Өнгөрсөн 28-ны шөнө Кёнги ду, Гуанжү ши, Күнгжуамд орсон их борооны улмаас Солонгос улсад амьдарч байсан манай улсын хоёр иргэн амиа алдсан тухай Монгол Улсын Элчин Сайдын Яамны дэд консул Б.Тэнүүн мэдэгдлээ. Гадаад харилцааны яамнаас тэдний ар гэрийхэнтэй холбоо тогтоож, удахгүй Солонгос улс руу талийгаачдын ар гэрийхнийг явуулахаар болжээ. Солонгос улсад манай улсаас 33 мянган иргэн ажиллаж, амьдарч сурдаг гэсэн албан ёсны тоо байдаг. Харин одоогоор гамшгийн бүсэд ажиллаж амьдарч байгаа Монголчуудын тухай нарийвчилсан тоо гараагүй байна. Сүүлийн үеийн мэдээгээр тус улсад орсон бороо намжиж, ус татарч байгаа учир ахин гамшигт өртөхгүй байх гэж албаны хүмүүс үзээд байна.
Д.Чингис
www.mglclub.com Administrator
- Холбоотой бичлэг :
- http://www.mglclub.com/4913711/1d7/trackback
