Бичлэгийн тоо 372
Хойд Солонгост хулгайлагдсан иргэдийг уулзуулаад мөнгө авсан уу
Уншсан 5508 vote 0 2014.03.26 09:09:14Хойд Солонгост хулгайлагдсан Японы иргэн Мэгүми Ёкотагийн эцэг эх Улаанбаатарт ач охинтойгоо уулзсан талаар бид мэдээлсэн билээ. Энэ талаар Японы “Асахи шимбүн” сонин “Монголын Ерөнхийлөгч амалсандаа хүрлээ” гэсэн гарчигтай мэдээ бичжээ.
Энэ сарын 19-нд гарсан тус мэдээнд Монголын Ерөнхийлөгч Ц.Элбэгдорж, Японы Ерөнхий сайд Абэ Шинзо нарын нөхөрлөл бат бэх зүйл гэдгийг дурдаад “Ц.Элбэгдорж өнгөрсөн оны есдүгээр сард Ерөнхий сайд Абэ Шинзогийн гэрт зочлох үеэрээ хулгайлагдсан иргэдийн гэр бүлийг Монголд уулзуулна гэж амалсан. Сарын дараа Хойд Солонгост айлчлахдаа энэ талаар ярьж хэлэлцсэн” гэж бичсэн байна. Харин тус сонины сэтгүүлч Нарита “Монголын Засгийн газар ч бас энэ уулзалтыг зохион байгуулаад нэлээд ашигтай ажилласан. Монгол талын гол хүн нь Кёкүшюүзан Д.Батбаяр байлаа. Түүнтэй уулзаж ярилцахад Ерөнхий сайд Абэ Шинзо өнгөрсөн оны гуравдугаар сард Монголд айлчлахдаа Ерөнхийлөгч Ц.Элбэгдоржтой уулзан, хулгайлагдсан иргэдийн асуудлыг шийдвэрлэхэд туслахыг хүссэн гэж хэлж байсан. Кёкүшюүзан Д.Батбаяр хамт байсан гэсэн. Тэгээд энэ жил Кёкүшюүзан Монголын Засгийн газрын өндөр албан тушаалтнуудтай Токиод ирж, Гадаад явдлын яамныхантай уулзсанаар Монголд тэднийг уулзуулах асуудал үндсэндээ шийдэгдсэн” гэж ярьж байна.
“Яагаад монголчууд зуучлах үүрэг гүйцэтгэдэг билээ? Хэчнээн Япон Хойд Солонгос аль алинтай нь дотно харилцаатай ч гэсэн гадаад бодлогоос өөр ашиггүй юманд ингэж их зүтгэх нь хачирхалтай” хэмээн эргэлзэж байгаа нь Японы долоо хоног тутмын “Пост” сэтгүүл. Тус сэтгүүлд “Асахи сонины сэтгүүлчтэй уулзсан гэх Монголын Засгийн газрын нэгэн өндөр албан тушаалтан “Ерөнхийлөгч Ц.Элбэгдорж Ерөнхий сайд Абэ Шинзогийн гэрт зочлох жинхэнэ зорилго нь эдийн засгийн тусламж авах явдал байсан. Энэ жилийн дөрөвдүгээр сараас Улаанбаатарын ойролцоо олон улсын шинэ нисэх буудлын барилгын ажил эхлэнэ. Японы талаас хэдийн 5 тэрбум иенийн тусламж үзүүлээд байгаа ч монголчууд нэмж 5 тэрбум иен хүссэн” гэж ярьсан гэнэ. Тэгэхээр Абэ Шинзогийн хулгайлагдсан иргэдийн асуудлыг шийдэхэд туслаач гэсэн хүсэлтийн хариуд нь Монголын Ерөнхийлөгч нэмэлт мөнгө хүссэн байж таарах нь. Улс хоорондын гэрээ хэлэлцээрт мөнгө, эдийн засгийн тусламж гол үүрэг гүйцэтгэх үе зөндөө байдаг. Тэр ч яахав, харин энэ асуудлыг шийдэх гарц арай гэж нэг олсон дээрээ ашиглах нь Японы Засгийн газрын үүрэг юм” гэж бичсэн байна.
Энэ сарын 19-нд гарсан тус мэдээнд Монголын Ерөнхийлөгч Ц.Элбэгдорж, Японы Ерөнхий сайд Абэ Шинзо нарын нөхөрлөл бат бэх зүйл гэдгийг дурдаад “Ц.Элбэгдорж өнгөрсөн оны есдүгээр сард Ерөнхий сайд Абэ Шинзогийн гэрт зочлох үеэрээ хулгайлагдсан иргэдийн гэр бүлийг Монголд уулзуулна гэж амалсан. Сарын дараа Хойд Солонгост айлчлахдаа энэ талаар ярьж хэлэлцсэн” гэж бичсэн байна. Харин тус сонины сэтгүүлч Нарита “Монголын Засгийн газар ч бас энэ уулзалтыг зохион байгуулаад нэлээд ашигтай ажилласан. Монгол талын гол хүн нь Кёкүшюүзан Д.Батбаяр байлаа. Түүнтэй уулзаж ярилцахад Ерөнхий сайд Абэ Шинзо өнгөрсөн оны гуравдугаар сард Монголд айлчлахдаа Ерөнхийлөгч Ц.Элбэгдоржтой уулзан, хулгайлагдсан иргэдийн асуудлыг шийдвэрлэхэд туслахыг хүссэн гэж хэлж байсан. Кёкүшюүзан Д.Батбаяр хамт байсан гэсэн. Тэгээд энэ жил Кёкүшюүзан Монголын Засгийн газрын өндөр албан тушаалтнуудтай Токиод ирж, Гадаад явдлын яамныхантай уулзсанаар Монголд тэднийг уулзуулах асуудал үндсэндээ шийдэгдсэн” гэж ярьж байна. “Яагаад монголчууд зуучлах үүрэг гүйцэтгэдэг билээ? Хэчнээн Япон Хойд Солонгос аль алинтай нь дотно харилцаатай ч гэсэн гадаад бодлогоос өөр ашиггүй юманд ингэж их зүтгэх нь хачирхалтай” хэмээн эргэлзэж байгаа нь Японы долоо хоног тутмын “Пост” сэтгүүл. Тус сэтгүүлд “Асахи сонины сэтгүүлчтэй уулзсан гэх Монголын Засгийн газрын нэгэн өндөр албан тушаалтан “Ерөнхийлөгч Ц.Элбэгдорж Ерөнхий сайд Абэ Шинзогийн гэрт зочлох жинхэнэ зорилго нь эдийн засгийн тусламж авах явдал байсан. Энэ жилийн дөрөвдүгээр сараас Улаанбаатарын ойролцоо олон улсын шинэ нисэх буудлын барилгын ажил эхлэнэ. Японы талаас хэдийн 5 тэрбум иенийн тусламж үзүүлээд байгаа ч монголчууд нэмж 5 тэрбум иен хүссэн” гэж ярьсан гэнэ. Тэгэхээр Абэ Шинзогийн хулгайлагдсан иргэдийн асуудлыг шийдэхэд туслаач гэсэн хүсэлтийн хариуд нь Монголын Ерөнхийлөгч нэмэлт мөнгө хүссэн байж таарах нь. Улс хоорондын гэрээ хэлэлцээрт мөнгө, эдийн засгийн тусламж гол үүрэг гүйцэтгэх үе зөндөө байдаг. Тэр ч яахав, харин энэ асуудлыг шийдэх гарц арай гэж нэг олсон дээрээ ашиглах нь Японы Засгийн газрын үүрэг юм” гэж бичсэн байна.
М.Сугар-Эрдэнэ
