Леди Гага “MTV Europe Music Awards”-ын дөрвөн номинацийн эзэн болжээ
Уншсан 4346 vote 0 2011.11.08 17:54:01
“MTV Europe Music Awards” шагнал гардуулах ёслолын ажиллагаан дээр дуучин Леди Гага дөрвөн ч шагналын эзнээр тодорчээ. Юуны түрүүнд дуучин бүсгүй 2011 оны Европын хамгийн шилдэг дуучнаар шалгарсан байна. Түүний “Born This Way” дуу энэ жилийн хамгийн шилдэг дуугаар тодорсон бол тус дууны клип 2011 оны "MTV Europe Music Awards"-аас хамгийн шилдэг видео номинацийг тэргүүлжээ. Тус наадмын шүүгчид зөвхөн Леди Гагаг шагнаад зогссонгүй хамтран зүтгэгчдийнх нь хөдөлмөр бүтээлийг ч өндрөөр үнэлжээ. Леди Гага “Үзэгчдийг байлдан дагуулагч” төрлөөр дөрөв дөх “бяцхан хүн”-ээ гардсан байна. Зургаан номинациас дөрвийг нь хүртсэн нь яах аргагүй түүний уран бүтээлийн гайхалтай амжилт юм. Дашрамд дурдахад, “MTV Europe Music Awards”-ын үлдсэн хоёр шагнал Жастин Биберийнх болжээ. Тэрээр “Хамгийн шилдэг уянгын бүтээл, “Хамгийн сайн дуучин” гэсэн хоёр номинацид тэргүүлсэн байна.