МАХН-ын ХМОНХА-аас мэдэгдэх нь:
МАХН-ын дарга, МАХН тэргүүтэй улс төрийн холбооны дарга Н.Энхбаяр-ыг хууль бус аргаар саатуулсан талаар Авилгатай Тэмцэх Газраас албан мэдэгдлийг 2012 оны 04 сарын 13 ний өдөр гаргасан. Энэхүү мэдэгдэлдээ баривчлан саатуулах болсон шалтгаанаа албан ёсоор тайлбарлахдаа “ Бүх зүйл хуулийн дагуу явагдаж байгаа” гэж мэдэгдсэн.
Харамсалтай нь тэдний хийсэн энэхүү мэдэгдэл нь үндэслэлгүй худал болохыг мэдэгдэж байна. Авлигатай тэмцэх газраас МАХН-ын дарга Н.Энхбаярт эрүү үүсгэсэн тухай албан журмаар мэдэгдэл өгч байсангүй. Баривчлах тухай хуудас ч ирсэнгүй. Гэсэн атлаа Улс төрийн захиалгат бусармаг үйл ажиллагаандаа төрийн байгууллагын ажилтнуудыг татан оролцуулж, энгийн ард иргэдэд зэрлэг балмад байдлаар хүч хэрэглэсэн нь Монгол Улсын Үндсэн хууль, Монгол Улсын Иргэний Тухай хууль, Монгол Улсын Эрүүгийн Хуулийг тус тус зөрчсөн үйл ажиллагаа боллоо. Энэхүү мэдэгдэл, тайлбар яриа нь МАХН-ын үйл ажиллагааг саармагжуулах, өдөр тутмын хэвийн ажиллагааг алдагдуулах зорилго чиглэл агуулсан байна гэж МАХН-ын Хэвлэл Мэдээлэл Олон Нийттэй Харилцах Алба үзэж байна.
2012 оны УИХ-ын ээлжит сонгууль ойртож буй энэ үед МАХН-ыг болон түүний холбоотон улс төрийн хүчнүүд зэрэг сөрөг хүчнийг нухчин дарах, олон нийтийн дунд нэр хүндийг зохиомлоор унагах, улмаар намын удирдлагуудыг хууль бус аргаар хилс хэрэгт гүтгэн, ээлж дараалан хуулийн нэр барин дарамтлах оролдлого үйлдэх нь Монгол Улсын Үндсэн Хуулинд заасан хүн бүр үзэл бодлоо чөлөөтэй илэрхийлэх, улс орны хөгжил дэвшил ардчилал шударга ёсны төлөө эвлэлдэн нэгдэх хүний эрх, эрх чөлөөг хаан боогдуулж байгааг МАХН-ын олон мянган гишүүд дэмжигчид, шударга иргэдийн өмнөөс илэрхийлж байна.
МАХН, түүний гишүүд дэмжигчид Монгол Улсын Үндсэн Хууль, Монгол Улсын Үндэсний Аюулгүй Байдал, Монгол Улсын халдашгүй дархан эрх, шударга ёс, үнэн бодит байдалд үндэслэн цаашид болзошгүй хууль бус аливаа үйлдлийг цаг алдалгүй мэдээлэх болно. Мөн 2008 оны УИХ-ын сонгуулийн луйвар будлианыг олон нийтэд хүргэснээр МАХН, түүний гишүүдийн амь нас, эрүүл мэндэд заналхийлсэн явдал болжээ. Хууль бус засаглал, Үндсэн хуулийн бус аргаар төрийн эрх мэдлийг булаан эзэрхийлсэн үйл ажиллагааг таслан зогсоож, олон нийтэд үнэн бодит мэдээлэл хүргэснийг элдвээр мушгин гуйвуулах, нуун дарагдуулах, хүч хэрэглэх, мөрдөн мөшгих зэрэг олон удаагийн зүй бус үйлдүүдийг хэрэгжүүлж буйг эрс буруушаан эсэргүүцэж байна.
Цаашид Монгол Улсын халдашгүй дархан эрх, Монгол Улсын Үндэсний Аюулгүй байдал, Монгол Улсын иргэн бүрийн эрх, эрх чөлөөг хангах, шударга үнэн бодит байдлыг олон нийтэд мэдээлэх, үзэл бодлоо чөлөөтэй илэрхийлэх, иргэний эрх үүргээ биелүүлэх явдлыг хууль бус аргаар таслан зогсоохоо больж, олон нийтийн санаа бодлыг урвуулсан хууль бус мэдээ мэдээллийг хэвлэл мэдээллийн хэрэгслээр төлбөртэй нийтлүүлж байгаагаа зогсоохыг шаардаж байна.
Дээрхи шаардлагыг нэн даруй хэрэгжүүлэх асуудлыг Монгол Улсын Үндэсний Аюулгүй Байдлын Зөвлөл, Улсын Их Хурлын гишүүдэд уриалан, цаашид зэрлэг балмадаар хүч хэрэглэж буй үйл ажиллагааны эсрэг улс төрийн шат дараалсан арга хэмжээ, тэмцэл өрнүүлэхээ мэдэгдэж байна.
МАХН-ын Хэвлэл Мэдээлэл, Олон Нийттэй Харилцах Алба
www.mglclub.com Administrator
- Холбоотой бичлэг :
- http://www.mglclub.com/6053299/206/trackback
АН,МАН,МАХН-ЫН ГИШҮҮД эд нар бүгд СОЦИАЛИСТ нийгмийн үеийн ГУЙЛГАЧИНГУУД БАЙСАН ОДОО ХӨРӨНГӨЖСӨН ОЛИГАРХИУД БОЛЖЭЭ, ХЭХЭ 2 ХАР ХЭРЭЭ НЭГ НЭГНИЙХЭЭ ХАРЫГ ГАЙХНА ГЭГЧ ҮЛГЭР БОЛОХ НЭЭ. ОЛИГАРХИУД ГЭДЭС ГҮЗЭЭНДЭЭ ХӨЛӨӨ ЖИЙЛЦЭЖ ЭХЛЭХ ШИВДЭЭ... ШИВШИГ ШИВШИГ!!!
ЯПОН УЛС 1950 ИАД ОНЫ ҮЕД БҮХ АВИЛГАЧИДАА ХАЙР НАЙРГҮЙ ИЛЧИЛЖ НИЙГМЭЭ ЦЭВЭРЛЭСНИЙ ХҮЧИНД ОДООГИЙН ЭНЭ ИХ ХӨГЖИЛ ДЭВ ШИЛД ХҮРСЭН ҮНЭН ТҮҮХТЭЙ
АВИЛГАЛТАЙ ТЭМЦЭХ ГАЗАР ЗӨВ ЗҮЙТЭЙ АЛХАМ ХИЙЖ БАЙНА, АВИЛГАЛЫН ТОР МЭТ ХЭРСЭН ААЛЗНЫ ШҮЛСИЙГ ТАСАР ТАТАН УСТГА!!!!! МОНГОЛЧУУДАА
ТЭД БИДНИЙГ ХАЙРЛААГҮЙ,УЛС ОРНООО ХАЙРЛААГҮЙ, ЗӨВХӨН ХАР АМИА БОДСОН ХОХОРОГЧ НЬ АРД ТҮМЭН БИД ,ЭХ ОРОН МААНЬ ЮМ ШҮҮ БҮҮ МАРТ МАРТВАЛ БИД СӨНӨНӨ....
АВИЛГАЛЫН ХАР ҮҮЛИЙГ ҮЛДЭН ХӨӨЕ АРД ТҮМЭЭН