Бичлэгийн тоо 372
Аж ахуйн нэгж, байгууллагын ажилтны сар тутам төлөх эрүүл мэндийн даатгалын шимтгэлийн хувь, хэмжээг түүний хөдөлмөрийн хөлс, түүнтэй адилтгах орлогын дөрвөн хувьтай тэнцэж байхаар тогтоолоо. Төрөөс эрүүл мэндийн даатгалын шимтгэлийг хариуцдаг даатгуулагч, их, дээд сургууль, коллеж, мэргэжлийн сургалт, үйлдвэрлэлийн төвийн өдрийн ангийн суралцагч, малчин, ял эдэлж байгаа хоригдол, Иргэний эрүүл мэндийн даатгалын тухай хуулийн 6.1.11-д заасан иргэний сарын шимтгэлийн хэмжээг тус бүр 670 төгрөгөөр, гадаадын иргэн, харъяалалгүй хүний сарын шимтгэлийн хэмжээг хөдөлмөрийн хөлсний доод хэмжээний зургаан хувь байхаар боллоо. Тогтоолыг ирэх оны нэгдүгээр сарын 1-ний өдрөөс мөрдөж эхлэх юм байна.