Бичлэгийн тоо 372
| Элвис Пресли, Диана гүнж болон Мэрилин Монро нар хүмүүсийн дахин амьдаар нь харахыг хүссэн алдартнуудын жагсаалтыг тэргүүлжээ. Мөн топ 10 алдартны жагсаалтад Английн Ерөнхий сайд Уинстон Черчилль, дуучин Фредди Меркьюри, хөлбөмбөгчин Бобби Мур багтсан байна. Энэхүү жагсаалтыг Warner Home Video компани хоёр мянган англичуудын дунд явуулсан санал асуулгаар гаргажээ. Ингэхэд оролцогчдын 23 хувь нь Преслигийн төлөө, 20 хувь нь хатагтай Дийд, харин 17 хувь нь Холливудын секс бэлгэдэл Мэрилин Монрог дахин харахыг хүсч явдгаа илэрхийлсан байна. Асуулгад оролцогчдоос дахин амилсан хүмүүс ямар ажил хийх бол гэсэн асуултыг давхар асуужээ. Арван хүн тутмын зургаа нь Преслиг Аmerican Idol уралдааны шүүгчээр ажиллах байх хэмээн хариулсан аж. Уильям Шекспир шуугианы эзэн Эми Уайнхауст зориулж дуу, харин VIII Генрих хоолны гайхамшигт дэглэм зохиох байсан хэмээжээ. Жагсаалтын сүүлийг алдарт физикч Альберт Эйнштейн, “Нирвана” хамтлагийн ахлагч Курт Кобейн мушгисан байна. 1. Элвис Пресли (23%) 2. Диана гүнж (20%) 3. Мэрилин Монро (17%) 4. Генрих VIII (11%) 5. Бобби Мур (9%) 6. Уильям Шекспир (6%) 7. Фредди Меркьюри (5 %) 8. Альберт Эйнштейн (4 %) 9. Уинстон Черчилль (3 %) 10. Курт Кобейн (2 %) |
www.mglclub.com Administrator
- Холбоотой бичлэг :
- http://www.mglclub.com/469440/eb9/trackback
