Сүхбаатарын талбайг анх удаа угаахад иргэд ихэд гайхан хүлээж авсан билээ.

Тэд тоос шороо бужигнуулан хог шүүрддэг үе үнэхээр ингээд ард өнгөрч байна гэж үү хэмээн өнөөдрийг хүртэл эргэлзсээр байна. Арга ч үгүй юм. Учир нь өчнөөн жил ингэж л цэвэрлэх ёстой юм шиг хэн хүнгүй санаж байсан юм чинь. “Зам угаадаг машин оруулж ирнэ, Хот тохижилтын ажлыг шинэ шатанд гаргана” гэж Нийслэлийн Хот тохижилтын газрын дарга Д.Энхсайханыг хэвлэлээр ярихад “ мөн ч холын зүйл ярьж байна даа” гэж хүлээж авсан цаг “саяхан”. Харин одоо түүний бүтээлч санаачлага амьдрал дээр бүрэн утгаараа хэрэгжиж, ажил болж эхэллээ. Тиймээ, анх удаа Монголчууд зам талбайнхаа тоосыг нь соруулж бас угааж цэвэрлэдэг болжээ. Сайхан байна. Дахиж өөдөөсөө тоосоор шүүрдүүлэхгүй , ахиж шороотой гудамжаар алхахгүй гэхээр сэтгэл цаанаа л өег дулаахан, өөрийн эрхгүй инээмсэглэмээр ч юм шиг. Уг ажлыг анх удаа санаачлан хэрэгжүүлж байгаа Д.Энхсайхан даргад талархахаас яах билээ. Харин Нийслэлчүүд бидний эргэлзэж байгаа “Дандаа ийм байх болов уу” гэсэн асуултад “Тиймээ, дандаа ийм байна”, “Хотын гудамжийг өглөө бүр бороо орсон мэт чийгшүүлнэ” хэмээн Нийслэлийн Хот тохижилтын газрын дарга Д.Энхсайхан итгэл төгс хариулж байна. Тиймээ, Нийслэлийн өнгө төрх сайхан байна, үнэхээр сайхан байна...

Duulian.mn