Бичлэгийн тоо 372
-Хуулийн зохицуулалтын талаар тодруулна уу?
-Энэ хууль батлагдсанаар иргэн, хуулийн этгээдийн зээл, төлбөрийн талаарх бүхий л мэдээлэл тодорхой хүрээнд нээлттэй болсон. Учир нь хуульд зааснаас өөрөөр мэдээллийг нийлүүлэх, ашиглах, шилжүүлэх болон худал мэдээлэл өгөх, нэмэлт, өөрчлөлт оруулах тохиолдолд хүлээлгэх хариуцлагын хэмжээг нэлээдгүй өндөр байхаар тогтоож өгсөн. Мөн уг хуульд заасны дагуу Монголбанкнаас зээлийн мэдээллийн үйл ажиллагаа эрхлэх этгээдэд тусгай зөвшөөрөл олгохдоо уг хуулийн этгээдийн удирдлагад ажиллах хүмүүсийн орчинг нарийн судлах болсон.
Өөрөөр хэлбэл, тухайн хүний мэргэжил, боловсрол, ажлын дадлага туршлага, зээлийн мэдээллийн сангийн аюулгүй байдлыг хамгаалах шаардлага хангахуйц мэдээллийн систем, программ хангамж, техник хэрэгслээр хангагдсан эсэх, өөрийн хөрөнгийн доод хэмжээ нь Монголбанкнаас тогтоосон шаардлагад нийцэж байгаа зэрэг тодорхой болзлыг харгалзан үзэх юм.
Учир нь эдгээр нөхцөлийг болон шаардлагыг хангасан хуулийн этгээдэд зээлийн мэдээллийн үйл ажиллагаа эрхлэх тусгай зөвшөөрөл олгох юм. Харин энэхүү шаардлагыг хангаагүй, эсвэл зээлийн мэдээллийн үйлчилгээ үзүүлэхдээ хууль, тогтоомжийг зөрчсөн бол тус үйл ажиллагаа эрхлэх тусгай зөвшөөрөл олгохоос татгалзах, олгосон тусгай зөвшөөрлийг хүчингүй болгохоор хуульчилсан.
-Зээлийн мэдээллийн үйл ажиллагааг ямар хүн эрхлэн явуулах боломжтойг уг хуульд тусгасан уу?
-Хуульд заасан нөхцөл, шаардлага, болзлыг хангасан ашгийн төлөө хуулийн этгээд зээлийн мэдээллийн үйл ажиллагаа эрхлэх эрхтэй юм. Энэ тусгай зөвшөөрөл авсан хуулийн этгээд нь банк, банк бус санхүүгийн байгууллага, хадгаламж зээлийн үйл ажиллагаа эрхлэхийг хуулиар зөвшөөрсөн. Мөн энэ хүрээн дэх санхүүгийн бусад болон төрийн байгууллага, аж ахуйн нэгж, иргэдээс бүрдүүлсэн зээлийн мэдээллийн санг бий болгож байгаа.
Харин уг санд цуглуулсан зээлийн мэдээллийг нэмэлт, өөрчлөлт орсон тохиолдол бүрт тогтмол шинэчилж, мэдээллийг боловсруулах, зээлийн мэдээллийг бүтээгдэхүүн болгож борлуулах, зээлдэгчийн зөвшөөрлийг үндэслэн сүүлийн зургаан жилийн мэдээллийг хэрэглэгчид зээлийн лавлагаа хэлбэрээр гаргаж өгөх, Монголбанкнаас тогтоосон дүрэм, журмыг дагаж мөрдөж байхаар тусгасан.
-Энэ төрлийн үйлчилгээг авахад төлбөртэй юу?
-Ийм төрлийн үйл ажиллагааг эрхлэхэд нэлээдгүй хэмжээний санхүүжилт шаардагддаг юм байна. Жишээ нь гэхэд л, нууцлал, хамгаалалт сайтай компьютерийн программ хангамж хэрэгтэй. Түүгээр зогсохгүй үүнтэйгээ нийцсэн тоног төхөөрөмж болон мэргэжлийн боловсон хүчин, хадгалалт хамгаалалт сайн байх гээд олон зүйл хэрэгтэй болж байна. Тиймээс зээлийн лавлагааг төлбөртэйгөөр өгөх бөгөөд ингэхдээ үйлчилгээний хөлсийг Монголбанкнаас тогтоосон журмын хүрээнд тогтоож байхаар хуульчилсан.
-Энэ хууль батлагдсанаар иргэд тогтмол зээл авах нь нэмэгдэж байна уу?
-Одоогоор харьцангуй бага хэмжээнд байна. Иймд иргэдэд чирэгдэл учруулахгүй байх үүднээс тухайн иргэн өөрийн зээлийн лавлагааг жилд нэг удаа үнэ төлбөргүй авах эрхтэй байхаар хуульчилсан. Улмаар хүссэн үедээ зээлийн мэдээллийн сангаас өөрийнхөө мэдээллийг үзэж, хяналт тавих, хууль бус, худал мэдээлэл байвал өөрчлөлт оруулахыг шаардах эрхтэй болсон.
-Уг хууль хэзээнээс эхлэн мөрдөгдөх вэ?
-Зээлийн мэдээллийн тухай хууль нь ирэх оны нэгдүгээр сарын 1-ний өдрөөс эхлэн дагаж мөрдөгдөх юм. Энэ хууль хэрэгжиж эхэлсэнээр банк, банк бус санхүүгийн байгууллага, хадгаламж зээлийн хоршоо болон гэрээнд заасан иргэн, төрийн болон хувийн өмчит хуулийн этгээдийн хооронд зээл, төлбөртэй холбогдон үүсэх мөнгөн төлбөрийн үүргийн талаарх мэдээлэл гэрээний дагуу нээлттэй болно. Мөн хэн нэгэн этгээд банк, банк бус санхүүгийн байгууллага, хадгаламж зээлийн хоршооноос давхардуулан эргэн төлөгдөх боломжгүй, эрсдэлтэй зээл авах, боломжгүй болж байгаа юм. Ингэснээр банк, санхүүгийн салбарын тогтвортой байдлыг хангах, эрсдэлээс урьдчилан сэргийлэх боломжийг төрөөс хууль эрх зүйн хувьд нь бүрдүүлж өгч байгаагаарай чухал ач холбогдолтой алхам болсон гэж үзэж байна.
О.Сэлэнгэ
www.mglclub.com Administrator
- Холбоотой бичлэг :
- http://www.mglclub.com/5467030/35f/trackback
