Бүх үеийн турших хамгийн муу ерөнхийлөгчөөр тодорсон тэрбээр сэтгэл дундуур, бас гомдолтой байгаа нь илт. Гэвч тэр гаргасан шийдвэр, хийсэн ажилдаа харамсахгүй гэдгээ энэхүү ярилцлагад дурджээ. Америкийн тэргүүн хатагтай Лора Буш ерөнхийлөгчийн алба хашиж, олон боломж бололцоог өөрт нь нээж өгсөн ханьдаа болоод дэмжиж байсан сая, сая хүмүүст талархлаа илэрхийлжээ.

-Та энэ ордныг санах болов уу, Лора?

Лора Буш: -Энэ үзэсгэлэнтэй ордон, энд ажилладаг хүмүүсийг би санах болно. Бид ялангуяа хүмүүсийг их санана.

-Харин эндээс явна гэхэд ерөнхийлөгч танд хүнд байна уу?

Жорж Буш:-Хүнд гэдэг оносон үг эсэхийг хэлж мэдэхгүй байна. Энэ сарын 21-нд надад ямархуу мэдрэмж төрөхийг ч бас мэдэхгүй. Сүүлийн найман жил өдөр бүр хамгаалалтын, тагнуулын албаныхны хамгаалалтад байлаа. 21-нд би сэрнэ, тэгээд л…

-Тийм ээ, таныг тэд дахин хамгаалахгүй нь?

Ж.Б: -Тиймээ. Бас өглөө бүр уулзалт хийхгүй, бас мөрөн дээр хариуцлага дахин ирэхгүй.

Л.К: -Өөр ямар нэгэн эргэлзээ төрж байх юм уу?

Ж.Б: -Үгүй ээ. Юун түрүүнд би Барак Обамагийн тангараг өргөх ёслолыг тэсч ядан хүлээж байна. Энэ түүхэн үйл явдлыг харахаар би хамгийн эхний эгнээнд сууна.

-Өчигдрийн хэвлэлийн хурал / 2009.01.12-нд хийсэн Жорж Бушийн хамгийн сүүлчийн хэвлэлийн хурал.орч/ хэцүүхэн байсан байх. Олон нийтийн санал асуулгаар 25, 30 хувийн санал авсан тухайд танд юу мэдрэгдэж байна?

-Надад нэмэх 90 хувь өгч байсантай адил тэр мэдрэмжийг мэдэрдэг.

-Тийм гэж үү?

-Тийм ээ. Санал асуулга бол юу ч биш. Харин өчигдрийн хэвлэлийн хурал бол өөр. Олон нийтийн санал асуулга эдийн засаг хүндхэн үед өндөр хувьтай гарахгүй нь мэдээж юм. Би эдийн засгийн хүнд нөхцөлд ерөнхийлөгч хийж байсан. Эдийн засгийн энэ байдалд хүмүүс сэтгэл дундуур байгаа. Би ч адилхан. Олон нийтийн санал асуулгад тулгуурлаж та шийдвэр гаргаж чадахгүй. Хүмүүс над дээр ирээд “бидний нэр хүндийг үгүй хийж байгаа учраас” Иракаас явах, гарах ёстой гэдэг байсан. Харин ерөнхий удирдагч гэдэг ямар утгатай болохыг та мэдэхгүй байх гэж би хэлдэг. Хэрэв “Gallup”-ын санал асуулгад тулгуурлаж таныг шийдвэр гаргаж хэмээн цэргийн хүчин бодвол тэд удирдагчаа дагахгүй ээ.

-Хэзээ нэгэн цагт та “Би буруутай байж”, “Ирактай дайтсан нь буруудаж” гэж бодож байв уу?

-Иракийн тухайд бол би тэгж боддоггүй. Харин Ирак улс уруудан доройтох нь гэж санаа зовж байсан. Тиймээс л би 30000 цэргийг тийшээ илгээсэн. Хийх ёстой, хэрэгтэй ажил. Гэвч бас л бий.

-Нэг хүү өөд боллоо. Танд юу мэдрэгдэх вэ?

-Мэдээж, надад харамсалтай байдаг. Олон зуун нас барагсдын ар гэрийнхэнтэй би уулзаж байсан. Эрэгтэй, эмэгтэй, охин, хүү гээд аль нэг нь өдөр бүр амиа алдаж байгааг мэддэг байсан. Гэвч өөртөө байгаа мэдээлэлдээ үндэслэж л шийдвэрээ гаргадаг шүү дээ.

-Гэтэл тэнд үй олноор устгах зэвсэг байгаагүй… Та шалгаагүй. Мэдээлсэн хүмүүст уурлаж байв уу?

-Үгүй ээ. Гэхдээ би сэтгэл хангалуун байгаагүй. Бүтэлгүйтээд сууж байхын оронд ямар нэгэн зүйл хийхээр шийдсэн. Яагаад буруудсан талаар мөрдлөг, шинжилгээ хийсэн, Тэгээд тагнуулынхаа үйл ажиллагааг шинэчилсэн. Өөр хэн бас бүтэлгүйтсэн гээч. Тэнд үй олноор нь устгах зэвсэг байлгах нь гэж бодож байсан тагнуулын офицер бүр буруудсан. CIA террористуудын эсрэг дайнд хамгийн амин чухал учиртай. Энд ирж, америкчуудыг алахыг хүсдэг хүмүүс байсаар байгаа. Миний хийсэн, шинэ ерөнхийлөгчийн хийх ёстой хамгийн чухал зүйл бол өөр нэг халдлагаас америкчуудаа хамгаалах.

-Найман жилийн өмнөхийг өнөөдрийнхтэй харьцуулбал?

-Нэг л зүйл өнөөдөр тодорхой байна. Нүүрлэж буй бодит аюул заналыг бид ойлгодог болж. Найман жилийн өмнө дэлхий тэр чигээрээ тайван, амгалан, эдийн засгийн нөхцөл байдал ч сайн байсан. Гэтэл хямрал эхэлсэн. Дараагаар нь халдлагад өртсөн. Гэтэл одоо бид санхүүгийн хямралд гүн автчихаад байна.

-Та эдгээрийн золиос мөн үү?

-Би золиос биш ээ. Бидний замд хөндөлсдөг тэр асуудлуудыг шийдвэрлэж чаддаг агуу улсын ерөнхийлөгч хүн.

-Ерөнхийлөгчийг эдийн засгийн уналт, хямралд буруутгавал?

-Бүрээ үлээх хэрэггүй. Гэхдээ л аюулыг мэдэрсэн. Тиймээс зохицуулж өгөхийг Конгрессээс хүссэн.

-Та эдийн засгийн хямрал ирж явааг харсан гээд хэлэх гэж байна уу?

-Үгүй, үнэндээ бид олж хараагүй. Аюул байж болох юм гэдгийг л харсан.

-Улс орны удирдагчдаас гадна та хоёр хосууд, гэр бүл. Энэ эдийн засгийн байдал хэр нөлөөлөв?

-Би сохроор итгэдэг хүн. Тиймээс хэлж чадахгүй нь. Гэхдээ л нөлөөлсөн гэдэгт итгэлтэй байна.

-Харин эдийн засгийн байдлын тухайд?

-Миний авах ёстой байсан хэмээн бодож хийсэн алхмууд санхүүгийн системийг улам муутгахгүй авч үлдэхэд чухал байсан гэдэгт итгэлтэй байдаг. Үгүй бол үүнээс ч дор, хунд байдалд орох байсан. “Уолл Стрит” гол асуудлыг үүсгэсэн нь үнэн. Харин санхүүгийн системийн уналт улс орныг зогсонги байдалд оруулах нь гэж би хамгийн ихээр зовинож байлаа.

-Обама 2009 оныг мөн л хүндхэн байх нь гэж хэлсэн.

-Магадгүй юм. Ерөнхийлөгч болонгуутаа тэрбээр эдийн засгийг урьдчилан хэлэхгүй байх талаар сурах ёстой.

-Ингэж хэлэх нь сайн зүйл биш гэж үү?

-Тэгж бодохгүй байна. Хүндхэн үе болох нь ээ хэмээн та хэлж чадна гэж би бодож байна. Гэтэл эдийн засаг ямар байхыг урьдчилан хэлэхийг оролдож эхлэнэ гэдэг муу.

-Обамагийн танхимынхны хамгийн түрүүнд хийх ажлуудын нэг Гуантанамогийн шоронг хаах. Энэ талаархи Taны бодол?

-Тэд их хэцүүхэн сонголтуудыг хийх гэж байна гэж би бодож байна.

-Буруу гэж үү?

-Буруу гэж хэлээгүй ээ. Бид ч Гуантанамог хаах гэж оролдож байсан.

-Тэгээд асуудал юунд байна?

-Тэнд хүйтэн цустай алуурчид хоригдож байгаад л учир байгаа юм. Тэд суллагдвал америкчуудыг алахаар ирнэ.

-Ингэхэд хэзээ нэгэн цагт Бин Ладеныг барих болов уу?

-Мэдээж.

-Ямар үндэслэлээр та ийм итгэлтэй хэлж байна?

-Түүнийг олон хүн хайж байгаа. Тэр мөнхөд зугтаж чадахгүй шүү дээ.

-Харин есдүгээр сарын 11-ний халдлага танд хэрхэн нөлөөлсөн бэ?

-Ерөнхийлөгч миний эрхэм чухал хариуцлага, дээд ашиг сонирхол бол халдлагаас улс орноо хамгаалах гэдгийг надад ойлгуулсан.

-Таныг өөрчилсөн гэсэн үг үү?

-Тийм ээ. Намайг ч, улс орныг ч өөрчилсөн. Тэр өдрүүдийн дүр зураг миний ой ухаанд одоо ч тод хэвээр.

-Энэ халдлагын талаар анхааруулсан бол? Хэн нэгэнд мэдээлэл байсангүй юу?

-Бид юу ч мэдээгүй. Тэдгээр залуус нисч ирээд Нью-Йорк дахь том барилгууд руу эсвэл Пентагоныг мөргөнө гэж хэн ч бодоогүй.

-Есдүгээр сарын 11-нээс гадна Катрина хар шуурга таны нэр хүндэд хамгийн ихээр нөлөөлсөн?

-Катрина шуурганаас болж арьс өнгөөр ялгаварлан гадуурхагч гэж дуудуулах болсон маань намайг үнэлсэн хамгийн доод үнэлгээнүүдийн нэг болсон.

-Гэхдээ л олон алдаа гарсан?

-Тийм ээ. Засгийн газрын бүх төвшинд бол тийм.

-Бид тэдгээр алдаанаасаа суралцсан гэж та боддог уу?

-Ямар ч яриа байхгүй. Засгийн газар алдаанаасаа суралцсан нь тэдний нэг сайн тал. Миний мэдэхээр найман хүчтэй шуурганы долоог нь хүмүүс амжилттай давсан.

-Лора, та юу хийх вэ?

-Хийдэг ажлаа л үргэлжлүүлнэ. Ном бичих гэж байна. Афганистан дахь эмэгтэйчүүдтэй ажилласаар байна. Талибанчуудыг сулласнаас хойш аж амьдралаа дахин босгох гэж хичээж байгаа. Тэдэнд АНУ хэрхэн тус дэм болох талаар ярьсаар байх болно.

-Бидэнд хэдхэн хором үлджээ. Баяртай гэж хэлэхэд хэцүү байна уу?

Ж.Б:-Ерөнхийлөгч байна гэдэг маш их нэр хүнд байлаа. Энэ бүхэн надад сайхан байсан. Америкчуудын зан чанар намайг гайхашруулсан.

Л.Б:-Жорж ерөнхийлөгч байсан болохоор надад олдсон бүх боломж бололцоонд маш их талархаж явдгаа илэрхийлэхийг хүсч байна. Энэ хугацаанд олон гайхалтай хүнтэй уулзаж, танилцсан. Тэдний тусламж дэмжлэгт маш их талархдаг. Надад талархаж явдаг олон сая хүнд ч бас талархмаар байна.

-Баярлалаа, ноён ерөнхийлөгчөө. Баярлалаа, Лора.