Бичлэгийн тоо 213
Иргэд газраа байраар солилоо
2011.07.10
Нийслэлийн ЗДТГ-аас Сүхбаатар дүүргийн 210 ам.метр газрыг орон сууцны хороолол болгон өөрчлөх ерөнхий төслийг баталсан. Үүний эхний ээлж болсон VII хорооллыг барилгажуулах төслийн нээлт, иргэдэд байрны түлхүүр гардуулах ёслол өчигдөр боллоо. Нээлтэд хотын удирдлагаас гадна тус дүүргийн 9-12 дугаар хорооны оршин суугчид оролцсон юм.Газраа чөлөөлөн, оронд нь тохилог сууцтай болсон Сүхбаатар дүүргийн XI хорооны иргэн Ж.Отгон “Манайх 0.3 га газартай, жижгэвтэр байшинд амьдардаг байсан. Гэтэл гэр хорооллыг орон сууцжуулах төсөлд хамрагдан, өөрийн гэсэн байртай боллоо. Бидний хувьд туйлын баяртай явдал боллоо” гэв.
Газраа чөлөөлсөн иргэд аль дуртай дүүрэгтээ, таалагдсан орон сууцандаа орох эрхтэй аж. “Гэр хорооллын орон сууцжуулах төсөл”-ийн зохицуулагч, менежер Д.Даваадулам “Иргэд бодит үнэ санал болгон, бидэнтэй тохиролцож чадвал хурдан байртай болно. Хоёр тал харилцан үнэ тохиролцсоны эцэст иргэд байраа өөрөө сонгох боломжтой. Намраас 300 айлын түр орон сууцны барилга ашиглалтад орно. Гэр хорооллын иргэдийн маань нэг хэсэг нь тохь тухтай орчинд амьдрах болсонд баярлаж байна. Удахгүй энэ газарт шинээр долдугаар хороолол сүндэрлэн босно” гэсэн юм. Айлуудын газрыг нэг ам. метрийг нь нэг зуун мянган төгрөгөөр үнэлэн авч байгаа аж. 0.7 ам метр газар нь 70 сая төгрөг болж байгаа гэсэн үг юм.
Эх сурвалж: www.ulaanbaatar.mn
1644-7111+4 - Холбоотой бичлэг :
- http://www.mglclub.com/4822808/e51/trackback
