Бичлэгийн тоо 91
| Ц.ПҮРЭВЖАВ |
Нийслэлд болсон эмх замбараагүй явдлын талаар Монгол Улсын Хүний эрхийн үндэсний комиссын дарга Д.Солонготой ярилцлаа. -Өнөөдөр үүсээд байгаа нөхцөл байдлын талаар танай байгууллага ямар байр суурьтай байна вэ? -НҮБ-аас 1948 онд баталсан Хүний эрхийн түгээмэл тунхаглалын 20 дугаар зүйлд “Хүн бүр чөлөөтэй, тайван хуран цуглах, эвлэлдэн нэгдэх эрхтэй” гэж тунхагласан байдаг. Энэ нь иргэд хэний ч эрхийг хохироолгүй хуран цуглаад, хэнээс ч асуулгүйгээр үзэл бодлоо чөлөөтэй илэрхийл гэсэн үг юм. Түүнээс биш эмх замбараагүй байдал үүсгэж, бусдын эрүүл мэнд, эд хөрөнгөд халдах эрхийг тунхагласан хэрэг огт биш. Түүнчлэн Иргэний болон улс төрийн эрхийн тухай олон улсын пактын 21 дүгээр зүйлд “иргэний тайван хуран цуглах эрхийг тухайн улс орон хүлээн зөвшөөрнө” гэж заасан байдаг. Гэхдээ ардчилсан нийгэмд үндэсний буюу нийгмийн дэг журам, бусдын эрүүл мэнд, ёс суртахууныг хамгаалах зорилгоор энэ эрхэд хязгаарлалт тогтоож болдог. Ер нь үзэл бодлоо чөлөөтэй илэрхийлэх эрхийг эдлэхэд хүн бүр бусдын эрх, нэр төрийг хүндэтгэх ёстой. Үндэсний аюулгүй байдал, нийгмийн дэг журам, хүн амын эрүүл мэнд, ёс суртахуунд аюул учирч болох нөхцөл байдал үүсэх үед хуулийн хүрээнд энэ эрхэд хязгаарлалт тогтоож болно. Улаанбаатар хотноо энэ сарын 1-нд үүссэн нөхцөл байдал нь дэг журамгүй, эмх замбараагүй зүйл болсон гэдгийг хүн бүр мэдэж байгаа байх. Эмх замбараагүй байдал үүсгэгчид АН болон өөр бусад намын талд сонголт хийсэн байж болно. Гэтэл цаана нь мөн олон хүн МАХН талд сонголт хийсэн байж таарна. Тэгэхээр ардчилсан нийгэмд тэр үлдсэн хүмүүсийн эрх бас хангагдаж байх ёстой биз дээ. Хүний эрхийн түгээмэл тунхаглалын 60 жилийн ойг энэ жил дэлхийн улс орон бүр тэмдэглэн өнгөрүүлж байгаа түүхэн үе гэдгийг би нийт хүмүүст сануулмаар байна. -Ардчилсан сонгууль болсонгүй, сонгогчдын эрх зөрчигдлөө гэж байна. Энэ талаар Та ямар бодолтой байна вэ? -Ардчилал гэдэг бол сахилга бат. Ер нь ардчилал гэдгийг хүн бүр юу дуртайгаа хийж болно, хэн дуртайгаа гүтгэн доромжилж болно гэж ойлгож байна. Энэ бол анархизм /удирдлаггүй эмх замбраагүй байдал/ юм. Энэ сонгуулийн тухайд СЕХ-ны санал хураалтын дүн гараагүй байгаа. Тийм болохоор таны, миний саналын дагуу та бид хоёрын санал өгсөн хүн сонгогдсон эсэхийг мэдэх боломж одоогоор алга байна гэж би бодож байна. Намууд хоорондоо үзэл бодлын болоод аливаа үл ойлголцлоо илэрхийлэхэд тухайн намын олон гишүүдийн хүч хөдөлмөрөөр буй болсон эд хөрөнгө буруугуй байх. -Иргэний хөдөлгөөнүүд ард түмнийг турхирсан үйл ажиллагаа явуулж байна гэж зарим хүмүүс ярьж байна?. -Миний бодож байгаагаар зарим ТББ-ууд илэрхий улс төрийн өнгө аястай үйл ажиллагаа явуулж ирсэн. Уг нь ТББ дүрэмдээ нийцээгүй ажиллагаа явуулбал татан буулгах хүртэл арга хэмжээ авч болдог.  Сүүлийн үед төрийн үйл ажиллагаа тунгалаг байх ёстой, авлигатай тэмцэх ёстой гэдэг нэрийн дор төрийн байгууллагын, тэр дундаа хууль, цагдаа, шүүхийн байгууллагын ажилтнуудыг дураараа доромжлох, эдгээр албан тушаалтнуудыг цохих , зодох нь хэвийн үзэгдэл болох шинжтэй болж байна. |
www.mglclub.com Administrator
- Холбоотой бичлэг :
- http://www.mglclub.com/473961/285/trackback
songuuli bas ter 2 nam busad hodolgoonuudiig chotgor abaasai harin bid tedenguigeer mongoldoo saihan amidrahiig husej bna sh dee chinii helsen heleegui mongoliin tsagdaa nertei zerleg deerengui usan tolgoitnuud eruu shuultee heregleseer heregleheer buur hereglechihsen l bdag sh dee bid zugeer l taiban saihan amidrahiig maani harin ted boogduulj bgaan bishuu
Yaraltai anhaaruulga. Mongoliin ard tumen odoo nen ahaaraltai baihgui bol suireh muhuh bolood bn. Hedhen honogiin umnu Mongold ireed yavsan hujaagiin Tom Darga mongoliin irgenii hudulguuniig demjij asar ih munguur tusaljee. Yag odoogiin baidlaar Batzandan, Magnai 2 hyatadiin elchin saidiin yaman dotor nuugdaad baina gesen medee irlee. Tend hyatadiin tusgai alba nariinchilsan zaavar zuvluguuu zevsegt murgulduun yaj yavuulah zaavar ugch olon toonii hyatadiin erliiz mongoloor yaridag humuusiig beltgej bn. Uls undsee avraya gesen un baival ene medeeg yaraltai damjuulj tuslana uu!!!
.gif)
http://www.eagle-tv.mn endees yu bolsniig bugriig ni uzeerei
http://www.eagle-tv.mn/MN/..........
tanai hu nam chin tsunh ard tumen yum bol bid olonhi ard tumen shu! mah -n luivarchdaa umguuluh hereggui ta nart shudraga ardchilsan ard tumende tedniig hamgiin huchtei subekt gedgiig ni hundleed buuj ughuus uur yamar ch zam baihgui yum esen mend deere buuj ugtsguu! shudraga yos yalchhad baigaa shuu !
