Монгол Улсын Их Хурлын дарга Д.Дэмбэрэл Бүгд Найрамдах Солонгос Улсад хийсэн албан ёсны айлчлалаас.

 УИХ –ын дарга айлчлалынхаа үеэр Солонгосын талд хууль бусаар амьдарч буй хүмүүсийг Солонгос Монголын диполмат харилцаа тогтоосны 20 жилийн ой болохтой холбогдуулан нэг удаа ч гэсэн виз олгох талаар санал гаргасан байна.

Албан бус тоогоор Солонгос улсад хараар амьдарч байгаа хүний тоо 12000 байгаа бөгөөд Солонгос Монголын харилцаа,түншлэл найрамдлын ийм түвшинд ажиллаж байхад хараар ийм олон хүн амьдарч байж болохгүй гэж үзэж байгаа аж.

Энэ асуудлыг Солонгосын тал судалж үзнэ гэсэн нааштай хариу авна байхаа гэж УИХ-ын дарга хэллээ.Мөн хоёр орны гаалын ажилтануудын харилцаа холбоо сайжирч,жилд 1000- 2000 хүн буцах явдал гарч байсан бол, 2009 онд 84 болж буурчээ.

Монгол дахь Солонгосын Элчин сайдын яаманд визний мэдүүлэг өгөхөд 21 хоног хүлээдэг байсан бол, одоо 14 хонгийн дотор хариугаа авдаг болжээ. Мөн 30 хоног зорчидог байсан бол 90 хоног болсноор харлах иргэдийн тоо 400-гаар буурсан байна.

30 хонгоор зорчиход эмнэлэгт үзүүлэх,аялал жуучлал,бизнесийн асуудлаа хөөцөлдөхөд хугацаа богино байсан билээ.Харин 90 хонгоор зорчиж байгаа иргэд ажил хийхгүй,хууль зөрчихгүй байгаасай гэж анхааруулж байлаа.Монголчуудад виз олголт Солонгосын талаас сайжирсан байна.

Солонгосын Цагаачлалын алба 2012 оноос Япон,Канад улс шиг гарын хээгээр оруулдаг болохоор бэлтгэл ажил хийгдээд байгаа.Ингэвэл манайхан хүний бичиг баримтаар хил нэвтрэх явдал байхгүй болно.

Манай иргэд цаашид хүний бичиг баримтаар орж ирэхгүй байх,бичиг баримтаа үнэн зөв,хуулийн дагуу хариуцлагатай бүрдүүлж байвал Солонгос улсад ажиллаж,сурч боловсорч,бизнес эрхэлж,аялахад асуудал гараад байхгүйнээ. 

салат сонины 3 сарын дугаараас