Сөүлийн гадаад ажилчдын төвөөс Монгол ажилчдад зориулж дараахи сургалтыг явуулна.
Сургалтын агуулга: Гадаад иргэдийн хүний эрх
- Ажлын газар доторхи бэлгийн дарамт болон хүний эрх зөрчигдөх
- Солонгос улсад ажиллаж амьдрах явцад тулгарах хүний эрхийн асуудал
- Баривчилгаанд өртөх үед авах арга хэмжээ
Хэзээ: 2010оны 6сарын 27өдөр 15:00-17:00 цагийн хооронд
Хаана: Монгол Таун КЕВ банктай байрны 6 давхарт (KERIS 빌딩 6층 연수실 )
Сургалт явуулах газар: Сөүлийн гадаад ажилчдын төв
Веб хуудас: http://withmigrants.org/
Лавлах: 010-8188-6623 монгол хэл
02-3672-9470 солонгос хэл
Сургалтанд хамрагдах хүсэлтэй хүмүүс урьдчилан бүртгүүлнэ үү.
Жич: Сургалтын дараа оройн хоолтой.
Мөн тус төвөөс Солонгос хэлний сургалт явуулж байна.
Сөүлийн Гадаад Ажилчдын Төвөөс Солонгос дахь гадаад иргэдийн эрүүл мэндийн холбооны “Гадаадын ажилчидад зориулсан эрүүл мэндийн даатгал”-ын үйлчилгээг үзүүлж байна.
Тус даатгалд ямар хүмүүс хамрагдах боломжтой вэ?
Солонгост 6 сараас дээш хугацаанд оршин суугаа /визний байдал хамаарахгүй/ бөгөөд эрүүл мэндийн даатгалд даатгуулаагүй байгаа хэн боловч /гэрээт ажилчин, оюутан, цагаач, тэдний үр хүүхдүүд.../ энэхүү эрүүл мэндийн даатгалд хамрагдах эрхтэй.
Тус даатгалд элсэн ороход бүрдүүлэх материал:
1. Гадаад паспорт болон хуулбар
2. Цээж зураг 2 хувь
3. Элсэлтийн хураамж 10 000 вон, нэг сарын даатгалын хураамж 6000 вон. Хураамж төлөх хугацаагаа та өөрөө сонгох боломжтой.
Анхаарах зүйлс:
1. Даатгал нээлгүүлэхдээ заавал өөрийн биеэр ирэх ёстой. Гэхдээ өөрөө ирэх боломжгүй бол танил хэн нэгэндээ бүрдүүлэх материалуудыг өгч явуулж элсэх боломжтой.
2. 12-с доош насны хүүхэд /Солонгост 6 сараас дээш хугацаанд оршин суусан байх/ эцэг, эхийн аль нэгийн нэр дээр даатгалд хамт хамрагдах боломжтой.
3. Тус даатгалд хамрагдаснаар эмнэлэгийн үйлчилгээнд хөнгөлөлт эдлэхээс гадна зарим эмийн сангуудаар хөнгөлөлттэй үйлчлүүлэх боломжтой.
Мөн Сөүлийн гадаад ажилчдын төв нь дараах үйл ажиллагааг явуулж байна
Хүний эрх ба Хөдөлмөр эрхлэлттэй холбоотой зөвөлөгөө
Гадаад ажилчдын цалин, үйлдвэрийн осол, хүчирхийлэл зэрэгтэй холбоотой асуудлыг шийдвэрлэхэд зөвөлөгөө өгнө. Мөн хил гарах, мөнгө гуйвуулах гэх мэт өдөр дутмын амьдралын асуудлуудад зөвөлөгөө өгч туслана.
Эмчилгээтэй холбоотой тусламж
Хямдралтай үнээр үйлчилж чадах эмнэлэг олж өгөх, эмнэлэгт хэвтэж зайлшгүй хагалгаа хийлгэх хэрэгтэй байгаа хүнд яаралтай эмчилгээний зардалд нь тусламж үзүүлэх.
Сар бүрийн эхний болон гурав дахь 7 хоногийн бүтэн сайн өдөр Түндэмүнь цэнгэлдэх хүрээлэнгийн ойролцоо орших Кёндун Христийн сүм дээр ирж үнэгүй эмчилгээ авах боломжтой. Энд Солонгос дахь гадаад ажилчдын эрүүл мэндийн нийгэмлэг болон гадаад ажилчид хамтарсан “Эрүүл мэндийн холбоо”-ны Эрүүл мэндийн даатгалын талаархи мэдээлэл авч элсэн орох боломжтой.
Түр байрлах байр
Өвдсөн болон ажил хийж байгаад бэртэж гэмтсэн, үйлдвэр солих хугацаанд түр орох оронгүй болсон гадаадын ажилчдад зориулсан унтаж, идэж, байрлаж болох эрэгтэйчүүдийн түр байрлах байр ажиллаж байна.
Мөн Нипал хөгжлийн бэрхшээлтэй иргэдийн түр байрлах байр ажиллаж байгаа ба энд солонгос хэл, компютер, бизнесийн сургалтууд явагдаж байна.
Боловсрол
Хэл мэдэхгүйн улмаас Солонгос улсад амьдрахад бэрхшээлтэй байгаа буюу солонгос хэл сурах хүсэлтэй байгаа хүмүүст зориулан солонгос хэлний сургалт явуулж байна.
Улирал: 1-р улирал 3-6 сар, 2 улирал 9-12 сар хүртэл
Цаг: долоо хоног бүрийн бүтэн сайн өдөр 2:30-5:00 цаг хүртэл
Бүртгэл: хичээлийн улирал эхлэхийн өмнөх сард бүртгэнэ
(2 дугаар сар, 8 дугаар сар).
Хамт олны тусламж
Нэг улсын иргэд цуглан хоорондоо мэдээлэл солилцож, эвлэлдэн нэгдэж холбоо байгуулахыг нь дэмжиж, цаашид тогтвортой ажиллахад нь туслана. (Одогоор Непал, Бангладешийн холбоод идэвхитэй сайн ажиллаж байна)