Эр хүний хатуу чанд сэтгэл хааяа ч гэсэн уян зөөлөн болдогсон бол энэ хорвоо их л жаргалтай байх ч байсан болов уу...
Бүсгүйчүүд бид нар эрчүүддээ болчимгүй үг хэлж, тэднийгээ гомдоочихоод “яах гэж тэгэв дээ” гэж харамсах үед эр хүн та уужуу сайхан сэтгэлээр уучилж өршөөж яагаад болдоггүй юм бэ? Насан туршдаа зовлон жаргал хосолсон дурсамжаа цээжиндээ  хадгалан бэтгэртлээ бодсоор өтөлж байгаа бүсгүйчүүд бид нар эр хүн таныг гомдоосондоо харамсаж явдаг. Эр хүн та минь, болчимгүй үйлдлээсээ болж таныг гомдоосон бүсгүй рүүгээ эргээд нэг хардаа. Танд хичнээн ойлгуулж чадахгүй байгаа ч дотоод сэтгэлдээ гомдоосондоо шаналж байгаа, тэр бүсгүй. Над шиг ийм шаналалд унасан хичнээн олон бүсгүй зөөлөн цагаан дэрээ норгож, зөвхөн гомдоосон эр хүнээсээ уучлалт хүсэн нулимс унагаж байгаа бол доо, хөөрхий. Хааяа ч гэсэн эр хүн таныг гомдоосон бүсгүйг нэг бодоорой. Энхрийлэл хайраа танд мэдрүүлж чадаагүйдээ элэг зүрхэндээ шаналж байгаа, тэр бүсгүйчүүд.
Өрөвдүүлэх гэсэндээ үүнийг өгүүлсэнгүй, өөр бүсгүйчүүд энэ зовлонг бүү мэдрэг гэсэн дээ, өөр бүсгүйчүүдэд энэ зовлонг бүү мэдрүүл гэсэн дээ эр хүн танд зориулан бичиж байна.
Нүд рүү нь эгцэлж хараад, нүүрэндээ инээмсэглэл тодруулаад нэг удаа ч гэсэн бүсгүйчүүдээ үнсээрэй, залуус аа. Бүсгүйчүүдийн маань таныг гомдоосондоо шаналж байгаа элэг зүрх нь дусал дуслаар ч болтугай дэвтэг дээ.
Эр хүний хатуу чанд сэтгэл хааяа ч гэсэн уян зөөлөн болдогсон бол энэ хорвоо их л жаргалтай байх ч байсан болов уу...