“НОРИЛЬСК НИКЕЛЬ” ОХУ-ын Засгийн газартай хамтран зэсийн ордод хөрөнгө оруулалт хийлээ
Уншсан 6898 vote 0 2010.11.17 11:00:44ОХУ-ын Байгалийн чанадад Монгол Улсын хилээс 60 км зайд зэс, алтны томоохон ордыг илрүүлснээ хойд хөршийнхөн сар гаруйн өмнө зарласан. Тэгвэл тэрбумтан О.Дерипаска уг ордыг ОХУ-ын Засгийн газартай хамтарсан хөрөнгө оруулалтаар ашиглахаар болс ныг “The Moscow times” сонинд өчигдөр мэдээлжээ.
Тэр бумтны эзэмшдэг “Норильск Никель” эхний ээлжинд 3.4 тэрбум америк доллар гаргахаар болсныг гүйцэтгэх захирал Владимир Стрзалковский дурдаад “Дунд, урт хугацааны төслийг тун үр ашигтай хэрэгжүүлж, зэсийн бүтээгдэхүүнийг нэмэгдүүлэх болно. Ингэснээрээ Ази дахь компанийн маань байр суурь улам хүчирхэгжих болно” гэжээ.
“Норильск Никель” уурхайн гүйцэтгэлийн ажилд зориулж 80 тэрбум рубль, харин төмөр зам тавихад шаардагдах 24 тэрбум рублийг ОХУ-ын Засгийн газар гаргаад байгааг мөн тэрбээр тодотгосон байна.
www.mongolnews.mn - Эх нутгийн чимээ