Сүүлийн үед цахим ертөнцөд эрчимтэй тархаж байгаа нэгэн бичлэг бол гишүүн асан Л.Гүндалайгийн клипжүүлж дуулсан “Монголоороо байгаасай” уран бүтээл юм. Уран бүтээлийг үзэж сонссон хүн бүр түүнийг элэглэж, эрүүл эсэхэд нь эргэлзэж байгаа юм. Түүний хувьд дууг зохиосон зохиогч, дуулсан дуучдаас албан ёсны зөвшөөрөл авалгүй клип хийлгэсэн нь уг дууг өмчлөх эрхтэй уран бүтээлчдийн дургүйг ихэд хүргэж, эгдүүцлийг төрүүлж, оюуны өмчийн бүтээлийг хулгайлсан хэргээр шалгуулахаар болжээ.
Анх МУГЖ Б.Дашдондогоос зөвшөөрөл авах гээд бараагүй тэрбээр ийнхүү хууль бус асуудалд орсноо мэдэж, “өөрөө хуулийн байгууллагаар асуудлаа шийдүүлнэ, мэдээлэл өгөхгүй” гэдгээ мэдэгджээ. Хүний бүтээл тэр дундаа гавьяат жүжигчин С.Жавхлангийн дуулах гэж байсан захиалгатай уран бүтээлийг нь өрсөн авч дуурайж, клип хийлгэн цахим сүлжээгээр тараасан нь өөрийн өөртөө өндөр үнэлгээ олж авах гэсэн буруу арга байсан бололтой. Тиймээс гишүүн асан Л.Гүндалай оюуны өмч хулгайлсан гэх асуудлаараа маргааш “Зууны мэдээ” сонины хурлын танхимд сэтгүүлчдэд мэдээлэл хийхээр болжээ.