“Sweetymotion” хамтлагийн ахлагч Ц.Сарнай нэг хэсэг өөрийг нь эрлийз хэмээн бичих бүрт уг мэдээллүүдийг үгүйсгэсэн тайлбар өгдөг байсан.

Тэгвэл өөрөө ч саяханыг хүртэл эрлийз гэдгээ мэддэггүй байсан тухайгаа дуучин бүсгүй ярьжээ. Түүний ээжийн төрсөн аавтай нь учирсан хайрын түүх ёстой л уянгын зохиол мэт гэгээхэн аж. 

Тэрбээр энэ тухай “Саяхан ээжтэйгээ би үнэнийг мэдэхийг хүсч байна гээд нэлээд нухацтай ярилцсаныхаа дараа надад их сайхан түүх дэлгэсэн. Ээж минь Германд хөгжмийн коллежид суралцаж байгаад аавтай танилцаж, хайр сэтгэлтэй болсон юм билээ. би тэнд хоёр нас хүртлээ амьдарсан. Даанч социализмын үед хамт амьдрах нь бүү хэл утсаа солилцож, холбоо хэлхээ тогтоох ч боломж байхгүй байсан учир тэр хоёр аргагүй эрхэнд холдсон юм билээ. аав минь франц хүн. Хамгийн сүүлд ээж бид хоёрыг онгоцны буудлаас гаргаж өгөөд үлдсэн гэсэн” хэмээн ярьжээ. 

Тиймээс төрсөн аавынхаа тухай мэдсэн бүсгүй яваандаа аавыгаа олж уулзах бодолтой байгаагаа ч ярьсан байна.
 Гэхдээ Ц.Сарнай өөрийг нь өсгөж, өдий зэрэгтээ болгосон монгол аавдаа маш их талархаж, гайхалтай ховор хүн хэмээн үнэлж явдгаа ярилцлагадаа онцолжээ.