Лионель Месси сая саяын орлогыг яаж олж, юунд үрдэг вэ?
Дэлхийн хамгийн үнэтэй тоглогч бол Кристиан Роналдо, харин хоёрдугаарт “Барселона” баг болон Аргентиний шигшээ багийн тоглогч Лионель Месси бичигдэж байна. Тэрээр яаж сая саяын орлого олж, юунд зарцуулж байгааг нь сонирхоцгооё.
Өнгөрсөн жил Месси 81,4 сая долларын орлоготой ажилласан. Орлогынхоо дүнгээр Кристиан Роналдогийн дараа орж байна.
Дараагийн улирлаас хэрэгжих “Барселона”-тай байгуулсан гэрээний үнийн дүн 826 мянга 500 доллар, ДОЛОО ХОНОГИЙН шүү.
Хөлбөмбөгийн талбайгаас гадна зар сурталчилгаагаар 28 сая долларын орлого олсон.
Хамгийн том ивээн тэтгэгч нь Adidas, түүнд жилийн 10 сая доллар төлдөг.
Тэрээр мөн Gillette, EA, PepsiCo, Tata Motors зэрэг компаниудтай гэрээтэй.
Месси “Барселона”-гийн хамгийн үнэтэй тоглогч, хэрвээ түүнд өөр багаас санал тавьбал 340 сая долларын нөхөн олговор “Барселона”-д төлөх хэрэгтэй болно.
Хэдий баян ч гэсэн тэрээр даруухан, нууцлагдмал амьдралаар амьдардаг нэгэн.
240 мянган долларын үнэтэй Maserati GranTurismo MC Stradale автомашин жолоодох дуртай.
Хааяахан хувийн онгоцоороо ниснэ, жишээ нь Цюрихд болсон Алтан бөмбөг гардуулах ёслолд хувийн онгоцоороо иржээ.
Хөлбөмбөгийн сэдвээс гадна түүний тухай элдэв шуугиан дэгдэггүй ч гэлээ саяхан орлогын татвараа дутуу төлсөн хэмээн шүүхэд дуудагджээ.
Бусдаар бол ямар ч өө сэвгүй залуу даа.
Найз бүсгүй Антонелла Рокуццотой хамт.
Тэд Аргентиний нэгэн хотод хамт өссөн, 2008 оноос эхлэн үерхэж эхэлжээ.
Хоёр хүүтэй, Тьяго болон Матео
Хөлбөмбөгийн пүүз дээрээ хүртэл хүүхдүүдийнхээ нэрийг хэвлэжээ.
“Барселона”-гийн баяраар тэдний гэр бүл анхаарлын төвд байлаа.
Шагнал гардуулах ёслолоор тэрээр жижиг жижиг толботой хослол өмсөж олны анхаарлыг татаад авсан.
Хөлбөмбөг сонирхогч Ромын паптай уулзах үеэр
Японы цунамигийн улмаас хохирсон хүмүүст туслах хандив цуглуулахаар өөрийнхөө хөлийн алтан хэвийг хийлгэхийг зөвшөөрчээ.
Тэрээр бусад нэртэй хүмүүс шиг хувийн амьдралаа бусдад ил болгож нэр хүндээ өсгөдөггүй цөөн хүмүүсийн нэг. Түүний Instagram бараг хоосон гэж хэлж болно.
Магадгүй энэ түүний хамгийн ил зураг байх.
Ямар нэгэн далдын хүч түүнд тусалдаг болов уу гэмээр.
Хөлбөмбөгөөс гаднах өөр амьдралын талаар бидэнд маш бага мэдээлэл байдаг. Түүний гялалзсан тоглолтыг нь үзэж бахдан суухаас өөр яахав.
Түүний өрсөлдөгч Роналдотай харьцуулбал Мессиг зөвхөн хөлбөмбөгөөр л үнэлэх үлдээд байгаа юм.
Энэ эрчээрээ байгаарай, Месси минь.
