БОАЖЯ, МХЕГ-ын хамтарсан Ажлын хэсгийнхэн Орхон голын сав дагуу 15 хоног ажиллаад иржээ. Ажлын хэсгийнхэн Орхон гол маш их бохирдсоныг тогтоосон байна. Тиймээс голын голдирол, сав дагуу алт олборлолт явуулж байгаа аж ахуйн нэгжийн үйл ажиллагааг түр хугацаагаар зогсоосон байна.

Учир нь алт олборлогч компаниуд Орхонд цутгадаг голын ойролцоо зөвшөөрөлгүй үйл ажиллагаа явуулж, гадаргын усны бохирдол үүсгэн, байгаль орчинд асар их хэмжээний хохирол учруул жээ. Аж лын хэсгийн шалгалтаар “Монгол газар”, “Кеонарда”, “Алтан ёндоо”, “Этоц”, “Домогт судар”, “Өрнөлт судар”, “Кеналхап” зэрэг компани ноцтой зөрчил гаргасан гэдгийг тогтоосон байна.

Энэ үеэр “Монгол газар” компанийн хууль бус үйл ажиллагааг таслан зогсоож, Ашигт малтмалын тухай хуулийн дагуу тусгай зөвшөөрлийг цуцлах асуудлаар орон нутгаас дүгнэлт ирүүлэхийг хүсчээ. Мөн Ашигт малтмалын газраас үйл ажиллагааг зогсоох мэдэгдлийг “Монгол газар”-ын удирдлагад хүргүүлсэн байна.

Алт олборлогч компаниудын буруутай үйл ажиллагааны улмаас Орхон улаанаараа эргэлдэж буй учраас экологид учирсан хохирлыг дээрх нэр бүхий байгууллагуудаас гаргуулах талаар холбогдох арга хэмжээ авч байгаа гэнэ.

www.mongolnews.mn - Эх нутгийн чимээ