Алтанбулаг-Улаанбаатар-Замын-Үүд чиглэлд манай улс анхныхаа хурдны замыг тавих гэж буй. 1000 км урт, хоёр урсгалтай, хоёр эгнээ, асфальт бетон хучилттай, 70 см зузаан, С1 зэрэглэлийн эл замыг “Магнай трейд”, “Жаст”, “Насны зам”, “Цаст импэкс”, “Монинжбар” зэрэг үндэсний 10 гаруй компаниас бүрдсэн “Чингислэнд девелопмент групп” барихаар өмнөх Засгийн газрын үед зарласан тендерт шалгарсан аж. Тэд энэ оны тавдугаар сарын 1-нд ажлаа эхэлж, 2015 оны аравдугаар сард дуусгахаар төлөвлөснөө өнгөрсөн долоо хоногийн сүүлчээр Барилга, хот байгуулалтын сайдын зөвлөлд танилцуулав.
Ийм урт замыг 2.5 жилд багтаан ашиглалтад оруу лахын тулд ажлаа хэд хэдэн газраас зэ рэг эхлэхээр төлөвлөжээ. Замаа тавьж дуусаад “Чингислэнд девелопмент групп” 25 жилийн хуга цаанд эзэмшиж байгаад 2040 онд улсад хүлээлгэж өгнө. Учир нь тус групп Засгийн газартай концес сын гэрээ байгуулжээ. Төслийн нийт өртөг нь 3.5 тэрбум ам.доллар буюу нэг км замыг 3.5 сая ам.долла раар ба рих юм. Үүний 70 хувийг олон улсын санхүү гийн зах зээлээс босгож, үлдсэнийг нь дээрх групп гаргана.
Олон улсын стандартад нийцүүлэн, Ази, Европыг холбосон транзит тээврийн зам болгохын тулд үүнийг евро стандартаар барих гэнэ. Уг төслийг ойрын үед Засгийн газрын хуралдаанаар хэлэлцүүлэх тул яамдаас санал авч буй аж.