Бичлэгийн тоо 3,329
"The Greek” дуугаараа 2011 оны “UК Music Video Awards”-аас “Best Indie/Rock Video” шагнал авсан Английн “Is Tropical” хамтлаг фэйсбүүктээ “Бид Монголд очно” хэмээн бичжээ. Тэд манайд видео бичлэг хийхээр ирж байгаа бөгөөд далимд нь Дархан, Улаанбаатарт тоглолтоо хийхээр төлөвлөжээ.
“MTV video music awards”-ын шагналт “Is Tropical” хамтлаг 2009 онд байгуулагдсан, Саймон Милнер, Гари Барбер, Доминик хэмээх гурван гишүүнтэй. Тэд 2010 онд “When O’ When” синглээрээ дэлхий нийтэд танигдаж, Францын хөгжмийн “Kitsune” студитэй хамтран ажиллаж эхэлжээ.
Харин 2011 оны нэгдүгээр сард гаргасан “South Pacific” сингл нь тэдэнд багагүй амжилт авчирсан байна. Тэдний “The Greek” дууны дүрс бичлэгийг YouTube сайтад 3.5 сая удаа үзсэн мэдээ бий. Сүүлийн үеийн мэдээллээр тус хамтлаг “I’m Leaving” цомгийнхоо ажилд бүх хүчээ дайчилж байгаа бөгөөд ирэх сарын 20-нд нийтэд хүргэх гэнэ. Бритиш поп урсгалаар уран бүтээлээ туурвидаг тус хамтлаг манайд энэ сарын 22-нд ирж, 24-нд “iLoft function house”-т тоглолтоо хийх гэнэ.