Бичлэгийн тоо 3,329
Марафон гүйлтийн дэлхийн рекорд тогтоосон тамирчин Монголд ирнэ
Уншсан 13040 vote 0 2013.05.23 15:48:09Марафон гүйлтийн дэлхийн рекорд тогтоосон Кени улсын иргэн 28 настай Патрик Макау Мусиоки Монголд энэ сарын 31-нд ирнэ. Түүнийг Соёл, спорт, аялал жуулчлалын яамныхан манай оронд зургадугаар сарын 1-5- нд болох Дэлхийн байгаль орчны өдөрт зориулсан марафон гүйлтэд оролцуулахаар урьжээ. Патрик Макау Мусиоки нь 2011 онд Берлинд болсон марафон гүйлтийн тэмцээнд 42 км зайг хоёр цаг, гурван минут, 38 секундэд туулж дэлхийн рекордыг шинэчлэн тогтоосон байна. Тэрбээр өмнөх рекордыг 21 секун дээр ахиулсан аж.
Түүний өмнө Этиоп улсын тамирчин Хайле Гебреселассие холын зайн марафон гүйлтийн зайг хоёр цаг, гурван минут, 17 секундэд туулсан амжилтаар рекорд тогтоож байжээ. Макау Мусиоки нь марафон гүйлтийн дэлхийн аваргын тэмцээнээс 2007, 2008 онд мөнгөн медаль, дэлхийн аварга шалгаруулах марафон гүйлтийн тэмцээний багийн төрөлд 2007, 2008 онд алтан медаль хүртсэн аж. Тэрбээр 2001 оноос хөнгөн атлетикаар хичээллэж, 2005 оноос олон улсын чанартай 20 гаруй тэмцээнд оролцон 15-д нь түрүүлэн, гуравт нь удаалжээ.
hunii huvi zaya gejee
..........................................................