1939 оноос 1945 он хүртэл үргэлжилсэн Дэлхийн 2-р дайнд 60 гаран сая хүн амь насаа алджээ.
Энэ гамшигт дайнаас маш сонин тохиолдлоор амь гарсан олон баатарлаг түүхүүд бий. Эдгээрийн нэг бодит жишээ бол АНУ-ын холын зайн гүйгч Луйс Замберини юм.
Дайны өмнө 1936 онд болсон Берлин-36 зуны Олимпод Замберини 5000 м-т 8-р байранд орж байсан байна. Түүний гайхамшиг нь сүүлийн тойрогт асар хурдтай гүйж бараг түрүүлэх шахсан явдал байлаа. Тэгэхэд тэр дөнгөж 19 нас 6 сартай байжээ. А. Гитлер тамирчдад хүндэтгэл үзүүлэх уулзан дээр Замбериниг онцгойлон таниж магтан нөгөө сүүлийн тойрогт огцом хурдалдаг хүү байна гэж гар барин магтаж байжээ.
Удалгүй дайн эхэлж зуны Олимп тасалдаж мань эр нисэх албанд зүтгэж эхлэн дэслэгч цол хүртэн бөмбөгдөгч онгоцны бөмбөг хаягч болжээ.
1943 онд түүний онгоц Номхон далайд унаж сөнөхөд тэр 2 нөхрийн хамт хөвөгч завин дээр гарч амь аврагдсан байна. Нэг нөхөр нь өлсгөлөн, халуун нар, далайн шуурга зэргийг даалгүй амь үрэгдэж үлдсэн Луйс нөхрийн хамт 47 хоног далай дээр хөвөж аврагдсан байна.
Далайгаас амьд мэнд аврагдахын зэрэгцээ Япончуудад олзлогдож түүний жинхэнэ тарчлаан дайн дуустал үргэлжилсэн байна. Түүнийг шоронд байхад Шувуу хочит Мицухиро Ватанабе онцгойлон яргалдаг байсан түүхтэй. Түүнийг шоронд байхад Японы радиогоос гэр бүлийнхэнд нь мэнд мэдүүлж шууд ярилцлагаар АНУ руу нэвтpүүлэг цацсан байна. Мөн түүнд АНУ-ын эсрэг суртал нэвтрүүлэгт орохыг хүсэхэд 12 настайдаа АНУ-д Итали орноос цагаачлан ирсэн тэрээр Америк Эх орноосоо урвасангүй. Урвахыг хүсээгүйн хариуд бүр их тарчлаан зовлонг амсаж нүүрсний уурхайд дайн дуусах хүртэл илжиг мэт зүтгэсэн байна.
Дайн дуусаад олзноос буцсаныхаа дараа бүх Япончуудыг уучилсан байна. 1950 онд Японд эргэн ирж тэдний сайн сайхны төлөө залбирч амь гарсан шорондоо эргэн очиж байжээ. Мөн 1998 онд Наганогийн өвлийн Олимпийн галыг зөөн гүйж байжээ.
2014 онд 97 насандаа өөд болжээ. Ийм нэг баатарлаг түүхтэй хүн байдаг юм байна.
Бичлэгийн тоо 3,329
