Бичлэгийн тоо 3,329
Жастин Биберийн фэнүүд модель Лара Стоуныг сүрдүүллээ
Нийтэлсэн: 1 өдрийн өмнө
Канадын 20 настай дуучин Жастин Бибер, модель Лара Стоун нарын тоглосон “Calvin Klein”-ий дотуур хувцасны реклам дуучин залуугийн фэн охидын уурыг хүргэжээ.
Үүний улмаас зарим охид дуучинтай хамт зургаа татуулсан модель бүсгүй рүү дайрч, заналхийлсэн байна. Тухайлбал Нидерландын 31 настай модель бүсгүй Жастины анхаарлыг татаж, биед нь хүрэх эрхгүй гэж хэсэг охид үзжээ.
Түүнчлэн рекламны зургийн доор зарим нь “Би чамайг ална. Тоглоогүй байна шүү” гэж хүртэл бичжээ. Тэд сайхан бүсгүйг Жастинаас салгахын тулд элдэв янзаар гоочилж хүртэл үзсэн аж.
Харин Лара дуучны фэнүүдтэй маргаан дэгдээхийг хүсээгүй байна.
Жастин Бибер дотуур хувцасны рекламд тоглосныхоо дараа магтаал, шүүмжийн аль алиныг нь сонсчээ. Зарим хэрэглэгч түүнийг фотошоп хэтрүүлэн ашигласан гэж үзсэн юм.