Олон нийтийн дунд явуулсан санал асуулгаар Шотландын тусгаар тогтнолын дэмжигчдийн тоо эрс нэмэгдсэнд Их Британийн Засгийн газар сандарч байна хэмээн Шотландын анхны ерөнхий сайд Алекс Салмонд мэдэгдснийг ВВС дамжууллаа. Өнгөрсөн долоо хоногт Yougov компанийн олон нийтийн дунд явуулсан судалгаагаар Шотландыг Их Британиас салан тусгаарлахыг 51 хувь нь дэмжжээ.
Ирэх долоо хоногт болох Шотландын бүх нийтийн санал асуулгаар тусгаар тогтнолоо зарлахаас татгалзвал Их Британийн Засгийн газраас ойрын өдрүүдэд Шотландын эдийн засгийн хараат бус байдлыг хангах төлөвлөгөөг зарлана гэж Нэгдсэн Вант улсын Сангийн сайд Жорж Осборн мэдэгдсэн.
Ийнхүү мэдэгдэх нь Их Британийн Засгийн газар сандарч байгаагийн илрэл хэмээн Салмонд хэллээ.
Хамгийн сүүлийн үеийн судалгааны үр дүн Британийн Хатан хааны санааг хүртэл зовоосон бололтой. Хатан хаан II Элизабет Их Биртанийн Ерөнхий сайд Камеронтой Шотландын тусгаар тогтнолын асуудлаар өчигдөр зөвлөлдсөн юм. Эх сурвалжийн мэдээлж буйгаар бүх нийтийн санал асуулгын өдөр Хатан хаан Шотландад байх аж.
Хатан хаан II Элизабет болон Шотландын анхны ерөнхий сайд Алекс Салмонд
Шотландын Засгийн газар Их Британийн эзэнт гүрний бүрэлдэхүүнээс гарч тусгаар тогтнох төлөвлөгөөг өнгөрөгч оны сүүлээр боловсруулан гаргасан юм.
Энэ сарын 18-нд болох Шотландын бүх нийтийн санал асуулгаар дийлэнх иргэд Их Британиас салан тусгаарлах саналтай байвал Шотланд 2016 оны гуравдугаар сарын 24-нд тусгаар улс болох аж.
Их Британийн эрх баригчид Шотландын тусгаар тогтнол аль алинд ашиггүй гэж мэдэгдэж байгаа юм.
Хэрвээ Шотланд улс Их Британиас тусгаар тогтновол шинэ улсын өрийн хэмжээ 143 тэрбум фунтээс эхэлнэ гэсэн тооцоог Нийгэм эдийн засгийн судалгааны үндэсний институт гэх байгууллага хийжээ. Энэ нь Шотландын ДНБ-ий 86 хувьтай тэнцэх мөнгө юм.
Өрийг үл хамааран шийдвэр гаргасан тохиолдолд зээлжих зэрэглэл нь хэдэн шатлалаар буурч, хамаг орлогоо өрөндөө өгөн ард иргэдээ өлөн зэлмэн амьдруулах аюул нүүрлэнэ гэж судалгааны тайланд өгүүлсэн байна.
Мөн фунт стерлингийг үндэсний мөнгөн тэмдэгт болгох боломжгүй болж, олон талт эдийн засгийн хоригт өртөн эцэстээ эргээд эзэнт гүрний бүрэлдэхүүнд нэгдэхээс өөр гарцгүй гэж дүгнэжээ.
Энэхүү судалгаа нь Дэйли Мэйл сонинд хэвлэгдсэний дараа шотландын ард иргэд уурлан бухимдаж байгаагаа олон нийтийн сүлжээгээр дамжуулан илэрхийлсээр байна.
Шотландчууд дээрх мэдээллийг “Санал асуулгын дүнд нөлөөлөх гэсэн оролдлого” хэмээн дүгнэж байгаа юм.
Бичлэгийн тоо 3,329
ШОТЛАНДЫН ТУСГААР ТОГТНОЛЫГ ТОДОРХОЙЛОХ БҮХ НИЙТИЙН САНАЛ АСУУЛГА ЭНЭ САРЫН 18-НД БОЛНО
Уншсан 2211 vote 0 2014.09.10 14:47:33ШОТЛАНДЫН ТУСГААР ТОГТНОЛЫГ ТОДОРХОЙЛОХ БҮХ НИЙТИЙН САНАЛ АСУУЛГА ЭНЭ САРЫН 18-НД БОЛНО
2014 оны 09-р сарын 10 өдөр, 11 цаг 10 минутад нийтэлсэн (Сэтгэгдэл үлдээх )
![10557343_10204634585444012_7802435518674155621_n[1]](http://www.ontslokh.mn/wp-content/uploads/2014/09/10557343_10204634585444012_7802435518674155621_n1.jpg)
