Их британид төвтэй Голджини компани өндөр зэрэглэлийн үзүүлэлттэй өндөр зэрэглэлийн технологийг багтаасан 24 каратын алтан iPhone6 ухаалаг гар утсыг танилцууллаа.
Компани алмаазан шигтгээ бүхий уг гар утсыг мөн л валентиний өдөрт зориулан гаргаж байгаа гэнэ. Голджинигийн үйлдвэрээс гарч байгаа энэ бүтээгдэхүүн өөрт агуулагдах алмаазны то хэмжээнээс шалтгаалаад 15,000-3,5 сая ам.долларын үнээр хэлбэлзэх юм байна.
Компани шинэ бүтээгдэхүүний цувралаа азийн цагаан сарын баярт зориулсан 99 ширхэг тусгай бүтээгдэхүүнээс ялгахын тулд даймонд экстаси гэж нэрлэсэн.
Хэрэглэгчийн захиалгаас хамаарч 24 каратын шар алт, ягаан алт болон ган хийцээр алмаазан чимэглэлтэйгээр гаргахаар болжээ.
Ийм тансаг бүтээгдэхүүн мэдээж дэлгүүрийн лангуун дээр байх нь эрсдэлтэй учраас бүтээгдэхүүнийг зөвхөн тусгай захиалгын дагуу гаргана.
Ингэхдээ ердөө эхний 100 захиалагчийн захиалгын дагуу хийх юм байна.
Нөгөө талаас захиалагч алтан гадаргуу дээрээ ямар нэгэн үг болон бусад дурсгалын зүйлсийг шивүүлэх боломжтой гэнэ.
Голджини компани гэгээн валентиний баярт зориулсан ухаалаг гар утас үйлдвэрлэг цорын ганц бренд биш.
Учир нь александр амосу мөн л алмаазан чимэглэл бүхий ягаан өнгийн iPhone6 ухаалаг гар утсыг танилцуулсан бол верту 20,000 ам.долларын үнэ бүхий ухаалаг гар утсаа ч санал болгоод амжсан.
Э.Сондор
