Өвөрмонголын Түнляо хотод байрлах Монгол үндэстний морины эдлэл хэрэгслийн урчуудын бүтээсэн загваруудыг Хятадын “Биет бус соёлын өв”-д бүртгэж авчээ. Удахгүй Хятад улс эмээлийг дэлхийн биет бус соёлын өвд бүртгүүлэхээр зэхэж байгаа гэнэ. Энэ ажилд зориулан Хятадын биет бус соёлын өвийн төвөөс уламжлалт гар урлалаар бүтээсэн ташуур, эмээлийн бүүрэг тэргүүтэй морины эдлэл хэрэгслийг хэн сайн бүтээх вэ нэртэй уралдаан зарлажээ. Тус уралдаанд улсын зэрэглэлийн уламжлагч Тогтонбаярын урласан эмээл тэргүүн байр эзэлсэн аж. Тиймээс улсынхаа соёлын өвд бүртгэн, цаашид ЮНЕСКО-д бүртгүүлэхээр мэрийж эхэлжээ. “Синьхуа” агентлагийн мэдээлс нээр “Хятад улс 10 жил дараалан биет бус соёлын өвөө амжилттай бүртгүүлсэн улс орон болсон бөгөөд 43 төрлийн соёлын өвийг бүртгүүлж, дэлхийд гуравт орсон байна. Үүнээс гадна соёлын өвөө хамгаалах хуулийн таатай орчин нэгэнт бүрдсэн тул 2012 он гэхэд Хятадын соёлын өвийг хамгаалах хуульчилсан бичиг баримтууд 500 гаруй боллоо” гэжээ.