“Өгөөмөр зах”-д машинаа хоёроос дээш цаг зогсоовол цагт 4000 төгрөг төлнө
Уншсан 3389 vote 0 2014.06.16 17:06:09“Өгөөмөр зах”-д машинаа хоёроос дээш цаг зогсоовол цагт 4000 төгрөг төлнө
Өгөөмөр” техникийн захын захиргаа түрээслэгчдээсээ авто зогсоолын төлбөр авч эхэлжээ. Ингэхдээ 121 буюу 2 цагаас дээш зогссон иргэдээс цаг тутмын 4000 төгрөг тооцож авах журам гаргасан байна.
Ингэснээр түрээслэгчид өдөртөө 30000-40000 мянган төгрөг төлөх эрсдэлтэй болж байна. Учир нь түрээслэгчид өдөрт дор хаяж 8-10 цаг машинаа байрлуулдаг. Тэгэхээр цаг тутмын 4000 мянган төгрөг төлөх нь сард түрээсийн 135 мянган төгрөгөөсөө гадна зөвхөн машины түрээс гэж сард 900 мянган төгрөг төлөх аюулд унаад байгаа юм байна.
Өмнө нь түрээслэгчдээсээ авто зогсоолын түрээс гэж нэг ч төгрөг авдаггүй байжээ. Харин орж гарч буй иргэдээс 500 төгрөгийн татвар авдаг байсан байна. Гэтэл өнгөрсөн лхагва гаригт шинэ журам гаргаж, ийнхүү түрээслэгчдээсээ болон үйлчлүүлж буй иргэдээс хоёр цагаас илүү автомашинаа байрлуулсан тохиолдолд цаг тутмын 4000 төгрөг авч эхэлжээ. Үүнийгээ “Өгөөмөр” төвийн захиргааныхан “Иргэдийн эрх ашгийг бодож ийм шийдвэр гаргасан” гэж тайлбарлаж байгаа юм. Өөрөөр хэлбэл, түрээслэгчид машинаа байрлуулахаар үйлчлүүлж буй иргэд машинаа тавих зогсоол олдоггүй. Тиймээс түрээслэгчдээс өндөр татвар авснаар түрээслэгчид машинаа “Өгөөмөр” захад байрлуулахаа больж, үйлчлүүлэгчид машинаа тавьж үйлчлүүлэх боломжтой болно гэх тайлбарыг өгч байгаа юм. Гэвч үнэн хэрэгтээ түрээслэгчдээс иргэдээс аль альнаас нь хоёроос илүү цаг зогссон тохиолдолд цаг тутмын 4000 төгрөг авч байгаа нь ашигаа бодож байгаа нь харагдаж байна. Харин энэхүү журмаа нийслэлийн Засаг даргын тамгийн газарт танилцуулаагүй байгаа гэж Өгөөмөр захын захиргааны ажилтан тайлбарласан юм.
zaluu.com