Бичлэгийн тоо 3,329
Болгарын Благоевград хот дахь америкийн нээлттэй их сургуулийг энэ онд дэлхийн 20 гаруй орны иргэд түүний дотор Монгол Улсын таван иргэн амжилттай дүүргэв. Төгсөгчид нь АНУ болон Болгар улсад дээд сургууль нэгэн зэрэг төгссөн батламж авдагаараа онцлог юм. Тус сургуулийг төгссөн монголчуудаас Эдийн засаг, бизнесийн удирдлагын ангийн оюутан Зоригтбаатарын Баяртогтох, Дэлгэржавын Үүлэнзаяа нар сургуулиа онц төгссөн байна.
Сургууль төгсөгчдийн баярын арга хэмжээнд Монгол Улсаас Бүгд Найрамдах Болгар Улсад суугаа Элчин сайд Ц. Ганхуяг оролцон тус сургуулийн Ерөнхийлөгч Майкл Истон сургуулиа төгсөгч монгол иргэдтэй уулзав. Монгол Улсад америкийн нээлттэй их сургуулийн салбар нээгдсэн ч энэ оны хичээлийн жилд Болгар дахь салбарт суралцахаар 90 гаруй өргөдөл ирсэн хэмээн Ерөнхийлөгч Истон Элчин сайдад танилцуулаад энэ намар Монгол улсад танилцах аялал хийхээр төлөвлөж байгаагаа мэдэгдэв