NBA-гийн аваргын төлөөх тавдахь тоглолт өнөөдөр боллоо. Нутагтаа хожигдож нуман тулгуурт орсон "Морьтон цэргүүд" шийдвэрлэх дайралтаа хийн "Алтан муж"-ийг эзлэн авав. Хожигдох эрхгүй болсон "Морьтон цэргүүд"-ээс ЛeБрон Жэймс, К.Ирвинг нар гайхалтай сайн тоглолт үзүүлж багтаа хожил авчирсан юм. NBA-гийн финалын түүхэнд анх удаа нэг багийн хоёр тоглогч 40+ оноо авсан нь энэ байв.
Тоглолтын эхний хагаст хоёр баг ээлжлэн тэргүүлж /61:61/ оноогоор тэнцсэн юм. "Кливлэнд"-ийн гуравдугаар үед хийсэн хамгаалалт багаа оноогоор тэргүүлж тоглолтыг гартаа авах боломж олгов. /93:84/
Сүүлийн шийдвэрлэх үед Кливлэндийн одууд хэмнэлээ алдалгүй тоглосоор цувралын харьцааг 3-2 болгон ойртуулав.
К.Ирвинг 41 оноо, 6 оновчтой дамжуулалт
Л.Жэймс 41 оноо, 16 самбар, 7 дамжуулалт, 3 бөмбөг таслалт, 2 хаалт
Т.Toмпсон 6 оноо, 15 масбар, 2 хаалт
К.Tомпсон 37 оноо, 3PT 6-11
C.Керри 25 оноо, 7 самбар, 4 дамжуулалт
А.Игоудала 15 оноо, 11 самбар, 6 дамжуулалт
Одоо Кливлэндэд нутагтаа болох тоглолтод хөгжөөн дэмжигчдийнхээ өмнө цувралыг тэнцүүлэх шаардлага тулгарч байна. Тоглолт Баасан гаригт 10:00 цагаас эхэлнэ.