Бичлэгийн тоо 3,329
“Be Mongolian” төслөөр монгол брэндийг дэлхийд сурталчилна гэв
Уншсан 13487 vote 0 2013.05.16 17:04:48Соёл,
спорт, аялал жуулчлалын яам, Аялал жуулчлалын үндэсний төвтэй хамтарч
“Be Mongolian” буюу “Монголоороо байцгаая” хэмээх төсөл хэрэгжүүлж буй
талаараа “Вертикал” продакшныхан өчигдөр мэдээллээ. Монгол брэндийг
дэлхийд таниулах зорилгоор “Монголоо дэлхийд, дэлхийг Монголд” гэсэн
уриан дор зохион байгуулж буй төслийн хүрээнд эх орныхоо 21 аймаг болон
дэлхийн улс орнуудаар аялж, үндэснийхээ брэндийг сурталчилж, аяллынхаа
талаар “Би монгол” нэртэй нэвтрүүлэг бэлтгэн үзэгчдэд хүргэх гэнэ.
Тэд саяхан Азийн орнуудаар аялаад ирсэн бөгөөд тэндээс бэлтгэсэн нэвтрүүлгээ зургадугаар сарын сүүлчээс эхлэн аль нэг телевизээр цувралаар толилуулах аж. Төслийн багийнхан удахгүй Европын орнууд руу хүлгийн жолоо залахаар төлөвлөжээ. Тэдэнтэй “Дижитал” хамтлагийнхан нэгдэж, зургадугаар сарын турш Европын орнуудаар аялж, монголчууддаа уран бүтээлээсээ толилуулах юм байна.
2015 он хүртэл үргэлжлэх уг төслийг санаачлагчдын өөр нэг зорилго нь “Дээд өнгө”, “Dream shoes” компанитай хамтарч “Хишиг” хэмээх шинэ брэнд бий болгох аж. Тэд ажлаа хэдийнэ эхлүүлсэн бөгөөд уг брэндийн гутал, цүнхийг “Dream shoes” компани үйлдвэрлэж байгаа бол “Дээд өнгө” компани бусад хувцсыг хийж буй гэнэ.