Бичлэгийн тоо 3,329
Америкт зикагийн халдвартай хүүхэд мэндлэв
АНУ-ын Флорида мужид зика вирусын халдвар авсан хүүхэд мэндэлжээ. Халдварын улмаас хүүхдийн толгой жижгэрсэн байсан хэмээн Флоридагийн Эрүүл мэндийн төвөөс сэтгүүлчдэд мэдэгдсэн талаар “Синьхуа” агентлаг мэдээллээ.
Хүүхдийг тусгаарлаж, эмчилгээ хийж эхэлжээ. Хүүхдийн эх Гайти улсын иргэн бөгөөд саяхан АНУ-д ирсэн байна. Нарийн үзлэгээр уг халдвартай хүүхдийн чих нь сонсголгүй, баруун нүд нь хараагүй болохыг тогтоожээ.
Флоридагийн Засаг дарга Рик Скотт твиттертээ “Халдвартай хүүхэд мэндэлсэнд үнэхээр харамсч байна” гэж жиргэжээ. Тус мужаас гадна Хавай, Нью Жерси мужид зикагийн халдвартай хүүхдүүд мэндэлсэн билээ.
