Менежер гэж хэн бэ?

            Та менежерийн ажил хийдэг эсвэл хийх гэж байгаа бол доорх үгс таныг ажлаа илүү сайн олгож, арга барил, хандлагаа өөрчлөхөд тань тусална.

ᴥᴥᴥ

Менежер бол найрал хөгжмийн удирдаач юм. Хэрэв та найрал хөгжмийн удирдаач болохыг хүсч байгаа бол үзэгчид рүү нуруугаа харуулах шаардлагатай.

                                                                                                                                             Макс Лукадо

ᴥᴥᴥ

Менежер гэж ажлаа ажилчдаасаа сайн хийдэг хүнийг хэлэхгүй. Ажилчдаа урьдынхаасаа илүү бүтээлч, гүйцэтгэл өндөртэй ажиллуулж чаддаг хүнийг менежер гэнэ.

                                                                                                                                         Фредрих В. Шмит

ᴥᴥᴥ

Менежер бол хөтөч юм. Тэрээр бүлэг хүмүүсийг “Та нарыг би амжилт ру хөтөлж чадна. Би замыг тань зааж өгье” хэмээн амжилт өөд замчилдаг хүн юм.

                                                                                                                                            Арсене Венгер

ᴥᴥᴥ

Ажлын бүтээмж нь ажилчдын бус менежерийн хариуцах асуудал.

                                                                                                                                          Питер Дракер

ᴥᴥᴥ

Удирдахуй гэдэг нь гартаа тагтаа барихтай адил. Хэрэв та хэтэрхий чанга баривал тагтаа үхэх бөгөөд хэтэрхий сул баривал тагтаа нисэн одох болно.

                                                                                                                                           Томми Ласорда

Сайн менежер

            Ажлаа сайн хийе, сайн менежер байя гэж боддоггүй менежер гэж байдаггүй байх. Гэвч бодит байдал дээр сайнаасаа муу нь олон. Та сайн менежер болъё эсвэл илүү сайн менежер байя гэж бодож байгаа бол  дараах онч үгсийг анхааралтай уншаад, ажил хэрэгтээ ашиглаарай.

ᴥᴥᴥ

Сайн менежер гэж өөрийнхөө карьерт  биш өөрийн доор ажиллаж байгаа ажилчдынхаа карьерт илүү санаа тавьж, анхаарал хандуулдаг хүнийг хэлнэ.

                                                                                                                                        Х. С. М. Бурнс

Сайн менежментийн анхны дүрэм нь хүнд ажил даалгах явдал юм. Бүх зүйлийг өөрөө хийх гэж бүү оролд. Учир нь та бүгдийг хийж чадахгүй.

                                                                                                                                            Андреа Турнер

Гол хэдэн зорилгод л анхаарлаа хандуул. Миний хувьд энэ нь гуравхан зүйл байдаг. 1) Зөв хүнийг сонгох 2)Түүнд зөв хэмжээний мөнгө хуваарилж өгөх 3) Хэлтэс хооронд шинэ мэдээлэл, санаа хурдтай урсгалыг бий болгох. Үүний ачаар манай компани амжилттай ажилладаг.

                                                                                                                                               Жек Уэльч

ᴥᴥᴥ

Хэрэв та ажилчдадаа урам зориг хайрлаж чадахгүй байгаа бол та урам зоригийг нь мохоож байна гэсэн үг. Менежерийн хийх шаардлагатай хамгийн чухал зүйл нь ажилчдад эрх мэдэл олгох бус тэдний замд байгаа бартаа саадыг арилгах явдал юм.

                                                                                                                                            Скотт Адамс

ᴥᴥᴥ

Сайн менежерийн хамгийн чухал зүйл нь багийн ажилчиддаа өөрийгөө шударга хүн гэдгээ мэдрүүлэх явдал юм.

                                                                                                                                                Сэм Вили

ᴥᴥᴥ

Сайн менежерийн хамгийн гол шинж чанарын нэг нь шийдэмгий байдал юм.

                                                                                                                                                Ли Якока

ᴥᴥᴥ

Аливаа бизнесийн байгууллагын удирдлагын ажлын бодит үнэлгээ нь гүйцэтгэл байдаг.

                                                                                                                                             Брайн Треси

ᴥᴥᴥ

Дээд түвшний менежерийг сургах хамгийн үр дүнтэй арга бол менежментийн үйл ажиллагаанд татан оролцуулах явдал юм.

                                                                                                                                            Карлос Госн

ᴥᴥᴥ

Удирдагчид шийдлийн талаар, харин  дагалдагчид асуудлын талаар л боддог.

                                                                                                                                           Брайн Треси

ᴥᴥᴥ

Өнөө үед чадварлаг менежер компанийн эздээс илүү ихийг бүтээдэг болжээ. Компанийн эзэд сайн менежерийг ажилд авахын  төлөө өрсөлдөн тэмцэлдэж байна.

                                                                                                                                 Михайл Худорковский

ᴥᴥᴥ

Агуу удирдагчид хэзээд ямар ч нарийн төвөгтэй зүйлийг энгийн болгогч байсаар ирсэн. Тэд маргааныг зогсоон мэтгэлцэж, асуудалд хэн ч ойлгож чадахаар шийдлийг санал болгодог.

                                                                                                                                Генерал Колин Павелл 

ᴥᴥᴥ

Агуу менежерүүд тодорхойгүй байдлыг бууруулах аргыг тасралтгүй эрж хайж байдаг.

                                                                                                                                           Чук Коонрадт

ᴥᴥᴥ

Агуу менежерийн 4 гол шинж: 1) Хүн ажилд авахдаа туршлагатай, ухаантай, зорилготойг бус авьяастайг нь сонгодог       2) Таамаглал дэвшүүлэхдээ зөв алхамыг бус зөв үр дүнг тодорхойлдог  3) Хэн нэгэнд урам зориг хайрлахдаа сул тал дээр бус давуу тал дээр нь төвлөрдөг    4)  Хэн нэгнийг хөгжүүлэхдээ зөвхөн дараагийн алхамыг заах бус цаашдаа урт хугацаанд хийх зүйлийг зааж өгдөг

                                                                                                                                       Маркус Букингхам

Менежмент ба манлайлал

            Таны удирдах ажлын хэв шинж ямар вэ? Та дарга уу? Манлайлагч уу? Шинэ цаг үе байгууллагын менежерүүдийг дарга биш манлайлагч байхыг шаардаж байна. Дараах онч үгс манлайллын шинжүүдийг ойлгож, ажиллах арга барил, хандлагаа манлайлагчийн хэв шинжид оруулж өөрчлөхөд тань туслах болно.

ᴥᴥᴥ

Сайн менежер байя гэвэл удирдагч болон даргын ялгааг мэдэж ав. Дарга “Яв” хэмээн хэлдэг бол удирдагч “Явцгаая” хэмээн уриалдаг.

                                                                                                                                           Е. М. Келли

ᴥᴥᴥ

Хүмүүсийг удирдахдаа тэдэнд урам зориг өг. Тэднийг бүү эзэгнэн захирч, хууран мэхэл.Эд зүйлсийг л эзэмшдэг болохоос биш хүмүүсийг удирдан манлайлах хэрэгтэй.

                                                                                                                                             Росс Перот

ᴥᴥᴥ

Менежмент нь амжилтын шат руу үр дүнтэй авирах арга ажиллагааг тодорхойлдог. Харин манлайлал нь  уг шат зөв хананд байрласан эсэхийг тодорхойлно.

                                                                                                                                             Стивен Р. Ковей

ᴥᴥᴥ

Хаашаа явах чиглэл болон алсын харааг тодорхойлж, улмаар яагаад тийшээ явах болсон, яаж зорьсон газраа хүрэхийг ажилчдадаа тайлбарлаж чадах хүнийг манлайлагч гэнэ. Харин менежер бол  энэ үйл ажиллагааг удирдан зохион байгуулдаг хүн юм.

                                                                                                                                              Майк Хукаби

ᴥᴥᴥ

Менежмент бол зөв хийх, манлайлал бол зөвийг хийх ухаан юм.

                                                                                                                                            Петер Дракер

ᴥᴥᴥ

Үр бүтээлтэй манлайлал ямар зүйл илүү чухал вэ гэдгийг гаргаж ирдэг. Харин үр бүтээлтэй менежмент үүнийг хэрхэн ажил хэрэг болгохыг шийддэг.