Бичлэгийн тоо 3,329
Алматы хотод буудалцаан болж байна 
Казахстаны хуучин нийслэл Алматы хотод буудалцаан болж байгаа тухай дөнгөж сая мэдээллээ. Гэрчүүдийн мэдээлж байгаагаар автомат буугаар зэвсэглэсэн үл таних хүн гудамжаар гүйн цагдаа нар руу буудаж эхэлжээ.
Үүний үр дүнд доод тал нь хоёр хүн амиа алдсан гэнэ. Түргэн тусламжийнхан хэргийн газарт очсон ба тусгай албаныхан хүмүүсийг гудамжинд гарахгүй байхыг анхааруулсан байна.
Тэдний мэдэгдэлд “гудамжинд тусгай ажиллагаа явагдаж байгаа тул хоёр цаг орчим хугацаанд гудамжинд гарахгүй байхыг сануулж байна” гэжээ.
Фэйсбүүк хэрэглэгч Болат Мукашев хэргийн газрыг дүрсэлж бичихдээ "одоо цагдаа нар зэвсэгт этгээдтэй буудалцаж байна. Нэг цагдаа машин дотор цусанд хутгалдсан байдалтай хэвтэж байгаа бол өөр хоёр цагдаа гудамжинд хэвтэж байна" гэжээ
