Өнөөдөр өглөө БНСУ-ын Инчон хотод авто машины осол гарчээ. Инчон хотын нисэх буудлын ойролцоох замд өтгөн манантай байсан учир гүүрэн дээр 106 автомашин хоорондоо мөргөлдөж, олон хүн бэртсэн байна. Өтгөн манантай, олон автомашин мөргөлдөж гүүрний замыг хаасан учир түргэн тусламжийн эмч нар гэмтсэн хүмүүсийг эмнэлэгт хүргэх гэж багагүй цаг алдсан байна. Иймд Онцгой байдлын газрын аврагч нарыг дуудаж, гэмтсэн хүмүүсийг эмнэлэгт хүргүүлжээ.
БНСУ-ын Замын цагдаагийн газар болон Инчон хотын захиргаа цаг агаарын байдлыг урьдчилан мэдэгдээгүй, өтгөн манантай үзэгдэх орчин хязгаарлагдмал байхад замын хөдөлгөөнийг зогсоогоогүй хэмээн хохирогч нарын ар гэрийн хүмүүс гомдол мэдүүлжээ. Одоогийн байдлаар анх ямар автомашин мөргөлдөж осол гаргасан, хичнээн хэмжээний хохирол учирсан гэдгийг тодруулахаар холбогдох албаны хүмүүс ослын газар ажиллаж байна.
Э.Гүнтөмөр
