Бичлэгийн тоо 3,329
XXI зууны тахал гэгдэх ДОХ-ын халдвар манай улсад хурдацтай тархаж байна. Дэлхий нийтийг цочоосон энэ өвчний 79 дэх тохиолдлыг ХӨСҮТ-д байрлах “Улаан тууз” эмнэлэгт өнгөрсөн баасан гаригт бүртгэжээ.
Энэ талаар тус төвийн Сургалт, сурталчилгаа хариуцсан албаны дарга Ч.Уртнасангаас тодруулахад “Халдвар тээгч нь эрэгтэй, 35-39 настай, нийслэлд амьдардаг. Бид тандалт судалгаагаар илрүүллээ. Одоогоор түүний хавьтагчийг тодруулахаар ажиллаж байна.
Гэр бүлтэй эсэхийг нь хэлэх боломжгүй” гэв. Дэлхийн эрүүл мэндийн байгууллагаас гаргасан судалгаагаар Монгол Улс ДОХ-ын эрсдэл бүхий улсын тоонд багтаад байгаа билээ. ДОХ-ын халдвартай нэг хүний ард нян тээгч 100 хүн байдаг гэсэн тоо бий.
